<h3 style="text-align: justify;"><span style="font-size: 18pt;">كۆمیسیۆنا ههلبژارتنێن عیراقێ دووپاتكر، ئهو نهشێن ههلبژارتنێن پهرلهمانێ كوردستانێ دگهل ههلبژارتنێن جڤاتێن پارێزگههێن عیراقێ بكهن و دیار ژى كر، ههتا نوكه شیاینه تۆمارا 15 هزار دهنگدهرێن ههرێما كوردستانێ نوو بكهن.</span></h3> <h3 style="text-align: justify;"><span style="font-size: 18pt;">عیماد جهمیل سهرۆكێ تیما راگههاندنا كۆمیسیۆنا بلندا ههلبژارتنێن عیراقێ راگههاند، نڤیسارهك سهبارهت ههلبژارتنێن پهرلهمانێ كوردستانێ گههشته جڤاتا كۆمیسیاران و دێ چیته دناڤ بهرنامهیێ روونشتنا بهێت یا جڤاتا كۆمیسیاراندا بۆ دانوستاندكرنێ سهبارهت ناڤهرۆكا میكانیزمێن كاركرنێ و رێكارێن تایبهت ب ههلبژارتنانڤه، كو ل دهمێ خوه هووركارییان رابگههینن.</span></h3> <h3 style="text-align: justify;"><span style="font-size: 18pt;">عیماد جهمیلى ئاماژه ب هندێ كر، كۆمیسیۆنێ 173 ناڤهندێن تۆماركرنێ ل پارێزگههێن دهۆك، ههولێر و سلێمانییێ بۆ خۆ ئامادهكرنێ بۆ ههلبژارتنێن ههرێما كوردستانێ ڤهكرینه، ژبلى رۆژێن ئهینى و شهمبى و رۆژێن بێهنڤهدانێ، رۆژانه ژ دهمژمێر ههشتى سپێدێ ههتا سێى ئێڤارى دڤهكرینه و پێشوازییا وهلاتییان دكهن.</span></h3> <h3 style="text-align: justify;"><span style="font-size: 18pt;">بهحس ل هندێ ژى كر، ههتا نوكه رێژهیا نووكرنا ژمارهیا تۆمارا دهنگدهرێن ههرێما كوردستانێ گههشتییه 1500 دهنگدهران، میكانیزما ههلبژارتنێن ههرێما كوردستانێ یا جۆدایه، ب شێوهیهكى كو ژمارهیا دهنگدهران ژ سێ ملیۆن و 614 كهسان پێك دهێت، 566 دهنگدهران پرۆسهیا دهنگدانێ ژێ دگریت، ئهڤهژى ب رێكا بایۆمهترى نابیت، بهلكو دێ ب رێكا پهرێن كاغهزى بیت.</span></h3> <h3 style="text-align: justify;"><span style="font-size: 18pt;">ئاشكرا ژى كر، ههتا نوكه قانوونا ههلبژارتنێن ههرێما كوردستانێ نهگههشتییه وان، ئهڤهژى ئاستهنگان بۆ دیاركرنا رۆژا كرنا ههلبژارتنێن پهرلهمانێ كوردستانێ پهیدا دكهت، ژلایێ هونهری و كارگێریڤه بهرههڤى ههلبژارتنێن پارێزگههان هاتینه كرن، چهندین ناڤهندێن سهر ب كۆمیسیۆنا فیدرالیڤه ل ههرێما كوردستانێ ههنه كو 1500 كارمهندێن سهر ب كۆمیسیۆنێ ڤه ب رێڤه دبهن.</span></h3>
