سوودانی: دەرچوویێن زانکۆیێن عێراقی نه‌ لدووڤ حه‌زا بازارینه‌

محەمەد شیاع سوودانی، سەرۆک وەزیرێن عێراقێ د کۆمبوونەكێ دا ل  گەل وەزیرێ خواندنا بلند و سەرۆکێن زانکۆیێن عێراقی، داخواز کر كو ئێدی بلندكرنا پلێن زانستی د گرێدایی نه‌بن ب به‌لاڤكرنا ڤه‌كۆلینان د گۆڤارێن زانستی دا.

ئه‌و ژی گۆت، دەرچوویێن زانکۆیێن عێراقی نه‌ لدووڤ حه‌زا بازارینه‌ و پێدڤییە زانکۆ د دروستکرنا دەستێ کاری دا لبه‌رچاڤ بگرن.

گۆت ژی، گه‌له‌ك ژ پشكێن زانستی نه‌ وه‌كو پێدڤینه‌ و بووینە بار ل سەر حکومه‌تێ، د ده‌مه‌كی دا گەله‌ك بیاڤێن نوو هەنه‌ نه‌ جهێ هندێنه‌ كو دەولەت وەبەرهێنانێ تێدا بکه‌ت.