وه‌زیرێ به‌رگرییا فره‌نسا بۆ نێچیرڤان بارزانى : دێ ل سه‌ر پشته‌ڤانیكرنا ته‌ د به‌رده‌وام بین

وه‌زیرێ به‌رگرییا فره‌نسا د په‌یامه‌كێدا بۆ نێچیرڤان بارزانى سه‌رۆكێ هه‌رێما كوردستانێ دیاركر، ئه‌و دێ ل سه‌ر پشته‌ڤانیكرنا وى بۆ ئاسایش و ئێكگرتنا كوردستانێ و عیراقێ ژى د به‌رده‌وام بن.

سێباستیان لۆكۆگنیۆ، وه‌زیرێ به‌رگرییا فره‌نسا د تویته‌كیدا ل دۆر كۆمبوونا دگه‌ل سه‌رۆكێ هه‌رێما كوردستانێ دووپاتكر، په‌یوه‌ندییه‌كا كوور فره‌نسا و هه‌رێما كوردستانێ پێكڤه‌ گرێدده‌ت.

وه‌زیرێ به‌رگرییا فره‌نسا كو دووهى ب شه‌ڤ گه‌هشتبوو هه‌رێما كوردستانێ و ل هه‌ولێرێ دگه‌ل نێچیرڤان بارزانى سه‌رۆكێ هه‌رێما كوردستانێ كۆمبوو، ئه‌ڤرۆ دتویته‌كیدا راگه‌هاند، ئه‌و وه‌كو فره‌نسا چ جاران كارێن جه‌نگاوه‌رێن كورد دژى تیرۆرێ ژبیر ناكه‌ن، نێچیرڤان بارزانییێ عه‌زیز، سوپاس.

دپشكه‌كا دییا په‌یاما خوه‌دا بۆ سه‌رۆكێ هه‌رێما كوردستانێ، وه‌زیرێ به‌رگرییا فره‌نسا گوت : دێ ل سه‌ر پشته‌ڤانیكرنا وى ژ پێخه‌مه‌ت ئاسایش و ئێكگرتنا كوردستانێ و عیراقێ د به‌رده‌وام بن.