دهێتە پێشبینیکرن پارێزگارێ بانکا ناڤەندی یا عیراقێ دەست ژ کار بکێشیت

ژێدەرەکێ تایبەت بۆ ئاژانسا خانی ڕاگەهاند، ژ ئەگەرێ گڤاشتنێن بەردەوام یێن ئابووری، ناکوکییێن دژوار کەفینە دناڤبەرا عەلی عەلاق، پارێزگارێ بەنکا ناڤەندی یا عیراقێ و تەیف سامی، وەزیرا دارایی یا عیراقێ دا.

دیارکر ژی، پشتی ئەمریکا سزایێ قەدەغەکرنێ ب مامەلەکرنا دۆلاری لسەر 14 بانکێن عیراقێ سەپاندی ناکوکییێن دناڤبەرا پارێزگارێ بانکا ناڤەندی یا عیراقێ و وەزیرا دارایی دا توندتر بووینە و هەر ب وی ئەگەری رەنگە عەلی عەلاق، پارێزگارێ بانکا ناڤەندی یا عیراقێ دەست ژکاربکێشیت و جێگرێ وی یێ نوکە پۆستێ وی وەربگریت.

ل گۆرەی زانیاریان پشتی دەست ژ کارکێشانێ عەلی عەلاق، دێ پوستەکێ ل سندوقا نێڤدەولەتی یا دراڤی وەرگریت.