پارێزگارێ دهۆکێ: کەس نەشێت مافێ مە لسەر ئاخا مە ژ مە وەربگریت، ئەگەر ئەم بخۆ نەبینە ئەگەر

د.عەلی تەتەر، پارێزگارێ دهۆکێ لدوور بابەتێ (پەیمانا لوزان دناڤبەرا هاڤپەیمانان و کۆمارا تورکیا) ل مالپەرێ خۆ یێ تۆرا جڤاکی یا فەیسبووکی نڤیسیە و ڕاگەهاندیە، پەیمانا لوزان دناڤبەرا هاڤپەیمانان و کۆمارا تورکیا ژ ئەنجامێ سەرکەفتنێن ناسیونالیستێن تورک ب سەرکردایەتیا مسەفا کەمال لسەر یونانیان ب دەستڤە هات.

پارێزگارێ دۆکێ ئامژە کریە ژی،  راستە دپەیمانا سیڤەردا مافێ دەولەتا کوردی هاتبوو دەستنیشانکرن، لێ ب رەنگەکێ وەسا دانابوون کو هژمارەکا کوردان ژی دژی پەیمانا سیڤەر ب راوەستن، چونکی پشکەکەکا ئاخا وان دچوو ژێر دەستهەلاتا وەلاتێ ئەرمەنستانێ.

د.عەلی تەتەر دیارکریە ژی، هەڤپەیمان دگەل کوردان ڕاستگۆ نەبوون، لەورا ڤێ پەیمانێ سەرنەگرت، د سەد سالیا پەیمانا لوزان یا دووێ دا نفرین ل سیاسەت و ئارمانجێن کۆلۆنیالیستی و وەلاتێن داگیرکەر بیت، مافێ مە لسەر ئاخا مە کەس نەشێت ژ مە وەربگریت، ئەگەر ئەم بخۆ ئەگەر نەبین.