وه‌زیرێ به‌رگرییا ئه‌لمانیا سه‌ره‌دانا خوه‌ بۆ عیراقێ و هه‌رێما كوردستانێ پاشخست

میدیا یا فه‌رمییا ئه‌لمانیا به‌لاڤكر، بۆریس پسترییه‌س وه‌زیرێ به‌رگرییا ئه‌لمانیا سه‌ره‌دانا خوه‌ بۆ عیراقێ و هه‌رێما كوردستانێ پاشخست، سه‌رداگرتنا بالیۆزخانه‌یا سوید ل به‌غدا و خۆ نیشاندان ئه‌گه‌رێن پاشخستنا سه‌ره‌دانا وه‌زیرێ به‌رگرییا ئه‌لمانیا بۆ عیراقێ و هه‌رێما كوردستانێ نه‌.

كیڤن هووك په‌یڤدارێ وه‌زاره‌تا به‌رگرییا ئه‌لمانیا راگه‌هاند، ئه‌گه‌رێ پاشخستنا سه‌ره‌دانا وه‌زیرێ به‌رگرییا ئه‌لمانیا بۆ عیراقێ، دووماهى پێشهاتێن ناڤا وى وه‌لاتى نه‌، كو تودوتیژییا دژى بالیۆزخانه‌یا سوید و رێكخراوه‌كا نه‌حكومییا دانیماركێ بوون، گوت ژى دڤى ده‌میدا نابیت ئه‌گه‌رێن سه‌رهلدانا خۆپیشاندانان زێده‌ترگرێداى ئاسایشێ بن و تێكچوونا ره‌وشا ئێمناهییا وه‌لاتى به‌رچاڤ نه‌هێنه‌ وه‌رگرتن.

ل دووڤ راگه‌هاندنا وه‌زاره‌تا به‌رگرییا ئه‌لمانیا، بریاربوو ئه‌ڤرۆ بۆریس پیستۆرییه‌س وه‌زیرێ به‌رگرییا ئه‌لمانیا سه‌ره‌دانا عیراقێ پاشان هه‌رێما كوردستانێ بكه‌ت و دگه‌ل نێچیرڤان بارزانى سه‌رۆكێ هه‌رێما كوردستانێ و فه‌رمانده‌یێ گشتییێ هێزێن چه‌كدار كۆمببیت.