وەزارەتا ڤه‌گۆهاستنا عێراقێ: هه‌تا چار سالێن دی دێ 31 فرۆكێن نوو  وەرگرین

رێڤەبەرێ راگەهاندنا وەزارەتا ڤه‌گۆهاستنا عێراقێ راگەهاند، هه‌تا چار سالێن دیتر عێراق دێ 31 فڕۆکێن نوو ب قەبارە و جۆرێن جۆدا ژ کۆمپانییێن مه‌زن یێن دروستکرنا فڕۆکان وەرگریت و دیسان دانوستاندن بۆ لابرنا گەمارۆیا ئورۆپا ل سەر هێلا ئه‌سمانییا عێراقی یا بەردەوامە.

مەیسەم سافی، رێڤەبەرێ راگەهاندن و پەیوەندییێن وەزارەتا ڤه‌گۆهاستنا عێراقێ ده‌ربارەیی وان گرێبەستێن عێراقێ بۆ کڕینا وان فڕۆکان گۆت “عێراق دێ هه‌تا سالا 2027، 31 فڕۆکێن ژ جۆرێن ئێرباس و ماکس و فڕۆکێن خەونان وەرگریت”.

گۆت ژی” بڕیارە عێراق 16 فڕۆکان ژ جۆرێ ئێرباس 220 و 10 فڕۆکان ژ جۆرێ فڕۆکێن خەونان (B787) و پێنج فڕۆکان ژ جۆرێ ماکس (B737-8 MAX) ی کۆمپانیا بۆینگ وەرگریت.”