وەزارەتا سامانێن سروشتی بڕیارەک دەربارەی بهایێ پانزینێ دەرخست

وەزارەتا سامانێن سروشتی یا حکومەتا هەرێما کوردستانێ ڕێکێ ب ئینانا پانزینێ ددەت و ڕێگرییێ ل هنارتنا پانزینێ ژ پاڵاوگەهێن هەرێمێ بۆ دەرڤەی هەرێما کوردستانێ دکەت.

 ل گۆرەی ڕاگەهاندنەکا وەزارەتا سامانێن سروشتی یا حکومەتا هەرێما کوردستانێ کو تێدا ئاماژە کریە،  کەمال محەمەد سالح، وەزیرێ سامانێن سروشتی ب وەکالەت، ژ پێخەمەت بەرژەوەندیا گشتی و لسەر داخوازیا پارێزگەهان بۆ رێگیریکرن ژ بلندبوونا بهای و نە دروستبوونا قەیرانا کێمبوونا پانزینێ، بڕیار دا ب لبەرچاڤگرتن و پاراستنا کۆالێتییا پانزینێ، رێک ب گشت کۆمپانییان بهێتە دان بۆ ئینانا پانزینێ.

هەر وەسا دیارکریە، ڕێک ب هنارتنا پانزینێ ژ پالاوگەهێن هەرێما کوردستانێ بۆ دەرڤەی هەرێمێ ناهێتە دان.