پێشەوا هەورامی، پەیڤدارێ حکومەتا هەرێما کوردستانێ لدۆر ڕێككەفتنا هەردوو شاندەیێن هەرێم و بەغدا ڕاگەهاند، ڕێككەفتا هەرێم و بەغدا دەرئەنجامێن لێكتێگەهشتنەكا باش یا هەردوو سەرۆکوەزیران مەسرور بارزانی و محەمەد شیاع سوودانی بوو، حكومەتا هەرێما كوردستانێ وەلاتییێن خۆ ناهێلیت و دێ دگەل وان بیت.
پەیڤدارێ حکومەتا هەرێما کوردستانێ دیاركر، سەرۆكوەزیرێن هەرێما كوردستانێ گەلەك ب خەمخۆری كاركرییە بۆ هندێ كو مووچەیێ فەرمانبەرێن حكومەتاهەرێما كوردستانێ دگەل بەغدا چارەسەر بكەت، هەردەمێ پارە ژ بەغدا گەهشتە هەرێمێ دێ ڕاستەخۆ دەست ب دابەشكرنا مووچەیێ فەرمانبەران هێتەكرن.
پێشەوا هەورامی، پەیڤدارێ حکومەتا هەرێما کوردستانێ گۆت، هەمی دەما ب ئومێدی سەحدكەینە داهاتی و ڕێككەفتنا ئەڤێ جارێ هەماهەنگییەكا باش دگەل سەرۆكوەزیرێن عیراقێ هەیە، ژبلی پرسا بودجەی دبیت هەمی پرسێن دی پێنگاڤ پێنگاڤ چارەسەر بكەین و یا پێدڤی بیت حكومەتا هەرێما كوردستانێ دێ ب جهئینیت بۆ هندێ وەلاتییێن هەرێما كوردستانێ ژ دوودلییێ بهێنە دوویرئێخستن.
