دلژار عه‌دنان به‌رپرسێ راگه‌هاندنا یانه‌یا زاخۆ بۆ ئاژانسا خانى ئاشكراكر، ئه‌وان دانوستاندن دگه‌ل راهێنه‌رێ قه‌ته‌رى ته‌لال ئه‌لبلۆشى كرینه و گه‌هشتینه رێككه‌ڤتنا ده‌ستپێكێ، كو ئه‌و ل سه‌ر مه‌رجێن راهێنه‌رى رازیبووینه، هه‌روه‌سا راهێنه‌ر ژى ل سه‌ر مه‌رج و رێنمایێن وان رازیبوویه، لێ هه‌تا نوكه رێككه‌ڤتن دناڤبه‌را واندا نه‌هاتییه ئیمزاكرن.
هه‌روه‌سا دیاركر، وان لژنه‌یه‌ك بۆ ئینانا یاریكه‌ران پێكئینایه، هه‌ر یاریكه‌ره‌كێ راهێنه‌رى ڤییا و لژنه یا ژێ رازیبوو، دێ هه‌ڤبه‌ستێ دگه‌لدا گرێده‌ن، كو نوكه ئه‌و دگه‌ل هژماره‌كا یاریكه‌رێن پیشه‌كار د دانوستاناندانه لێ هێشتا رێككه‌ڤتن دگه‌ل چ یاریكه‌ران نه‌كرینه، هه‌روه‌سا هنده‌ك یاریكه‌رێن دیارێن خۆلا عیراقێ ژى هاتینه ده‌ستنیشانكرن و دێ بزاڤێن گرێدانا هه‌ڤبه‌ستێ دگه‌ل وان هێنه كرن.
ژلایه‌كێ دیڤه و ل دۆر خۆلا پیشه‌كاران، دلژار عه‌دنانى ئاماژه ب هندێ دا، هه‌تا نوكه چ به‌یاننامه‌یێن فه‌رمى ژ ئێكه‌تییا عیراقێ نه‌گه‌هشتینه وان، لێ ل دووڤ زانیارییێن ده‌ستپێكێ، ئه‌وان دێ ماف هه‌بیت پشكدارییێ بكه‌ن، و ل وه‌رزێ بهێت دێ تیمه‌كا بهێز و رێكخستى پێكئینن و هه‌ڤركییه‌كا باش كه‌ن.
