<h3 style="text-align: justify;"><span style="font-size: 18pt;">وهزیرێ ساخلهمییا ههرێما كوردستانێ دیاركر، هژمارهكا ههڤبهستان بۆ دابینكرنا دهرمانان هاتینه ئیمزاكرن، كو 35%ێ یا خهرجییان كێمبوویه و پرۆسه 230 جۆرێن دهرمانان بخۆڤهدگریت.</span></h3> <h3 style="text-align: justify;"><span style="font-size: 18pt;">د. سامان بهرزنجى وهزیرێ ساخلهمییا ههرێما كوردستانێ دپرێسكۆنفرانسهكیدا راگههاند، د پرۆسهیهكا نوودا و ب رێكارین نوو، 10 ههڤبهستێن دابینكرنا دهرمانان بۆ نهخۆشخانهیان هاتینه ئیمزاكرن.</span></h3> <h3 style="text-align: justify;"><span style="font-size: 18pt;">د. سامان بهرزنجى ئاماژه ب هندێ كر، ههموو ئهو كۆمپانییێن ههڤبهست دگهلدا ئیمزاكرى، ههتا دوو ههیڤێن دى مۆلهت ههیه دهرمان و پێدڤییان بۆ ههموو نهخۆشخانهیێن ههرێما كوردستانێ دابین بكهن.</span></h3> <h3 style="text-align: justify;"><span style="font-size: 18pt;">ل دووڤ ئاخڤتنێن وهزیرێ ساخلهمییا ههرێما كوردستانێ، ژ چارچووڤێ ئهڤێ پرۆسهیێ كو 230 جۆرێن دهرمانانه، پشكهكا دهرمانێن نهخۆشییێن دومدرێژ، كولبوون، سركرن ئازار شكاندنان بخۆڤهدگریت.</span></h3> <h3 style="text-align: justify;"><span style="font-size: 18pt;">وهزیرێ ساخلهمییێ ئاماژه ب هندێ دا، ئهڤ پرۆسه ژ چارچووڤێ كارێ كابینهیا نههێ یا حكومهتا ههرێما كوردستانێ بۆ باشتركرنا رهوشا دهرمانایه، كو سالانه خهرجییێن دابینكرنا دهرمانان نێزیكى حهفت ملیار دینارن و ب ڤێ پرۆسهیێ ب رێژهیا 35%ێ كێمكرییه.</span></h3> <h3 style="text-align: justify;"><span style="font-size: 18pt;">د. سامان بهرزنجى ئاماژه ب هندێ دا، ژلایێ چاكسازییێڤه كوالیتییا دهرمانان بلندبوویه و 46%ێ ژى ژبهرههمێن ناڤخۆیه.</span></h3>
