شاندێ حکومەتا هەرێمێ و جڤاتا وەزیرێن عیراقێ دێ لدوور پرسا پشکا هەرێما کوردستانێ ژ بودجەیا گشتی یا عیراقێ کۆمبن

بڕیارە سۆبەهی شاندەکێ حکومەتا هەرێما کوردستانێ لدوور پرسا پشکا هەرێما کوردستانێ ژ بودجەیا گشتی یا عیراقێ و مووچەیێن فەرمانبەرێن هەرێما کوردستانێ دگەل جڤاتا وەزیڕین حکومەتا فیدرال کۆمببیت.

ژێدەرەکێ ئاگەهدار بۆ ئاژانسا خانی ڕاگەهاند، شاندەکێ حکومەتا هەرێما کوردستانێ سەرەدانا بەغدا کریە و بڕیارە سۆبەهی دگەل جڤاتا وەزیرێن عیراقێ کۆمببن.

گۆتژی:” د نوکە دا هەولێر و بەغدا لسەر هەمی خالێن ناکوکی لسەر یێن  گرێدای بودجەیا گشتی یا عیراقێ رێککەفتینە و چ ئاریشەیەک نەمایە، ئەگەر حکومەتا عیراقێ چ ئاریشەیان دروست نەکەت پێدڤە د کۆمبوونا سۆبەهی دا بڕیارێ لسەر هنارتنا پارەیێن هەرێمێ بدەت.

هەر وەسا گۆت:”چاڤەرێ دهێتە کرن سوبەهی رێککەفتنا دناڤبەرا هەرێم و بەغدا دا بهێتە بجهئینان، سەرەرای کو بڕیاربوو ل رۆژا پێنجشەمبیا بووری حکومەتا عیراقێ 906 ملیار دیناران بۆ  مووچەیێ فەرمانبەرێن هەرێما کوردستانێ بهنێریت.”