سه‌نته‌رێ میترۆ پێشوازییێ ل بریارا حكومه‌تا بریتانیا بۆ جینۆساید ناساندنا كۆمه‌لكوژییا ئێزدییان دكه‌ت

سه‌نته‌رێ میترۆ بۆ داكۆكیكرنێ ل مافێن رۆژنامه‌ڤانان پێشوازى ل بریارا حكومه‌تا بریتانیا بۆ جینۆساید ناساندنا كۆمه‌لكوژییا ئێزدییان كر و دیاركر، دانپێدان ب جینۆساید ناساندنا كوردێن ئێزدى گرنگییه‌كا بێ ئه‌ندازه‌ی هه‌یه‌.

ئه‌ڤرۆ حكومه‌تا بریتانیا كۆمه‌لكوژییا ئێزدییان ب جینۆساید ناساند و سه‌نته‌رێ میترۆ ژى ئه‌و بریاره‌، ب بریاره‌كا ئیلهام به‌خش بۆ كۆمه‌لگه‌ها نێڤده‌وله‌تى ب ناڤكر.

سایتێ فه‌رمییێ میترۆ ل فیسبۆكى راگه‌هاند، دان پێدانا فه‌رمى ب وێ جینۆسایدا داعشێ ل سالا 2014ێ ل دژى كوردێن ئێزدی كرى، پابه‌ندبوونا شانشینا ئێكگرتو بۆ بلند راگرتنا دادپه‌روه‌رى و پاراستنا مافێن پێكهاته‌ و كه‌مینه‌یان ل سه‌رانسه‌رى جیهانێ نیشان دده‌ت.

راگه‌هاند ژى، ب ناڤێ سه‌نته‌رێ میترۆ سوپاسییا حكومه‌تا بریتانیا بۆ ڤى هه‌لوستێ ب وێره‌ك و راستگۆ دكه‌ن، ئه‌ڤ پێنگاڤا بریتانیا ل سه‌ر به‌ندێ نه‌هه‌مین سالیادا هێرشا داعشێ بۆ سه‌ر شنگالێ و كۆمه‌لكوژییا دژى كوردێن ئێزدییه‌، كو پێشتر ل په‌رله‌مانێن ئه‌لمانیا، هۆله‌ندێ و به‌لجیكا تاوانێن داعشێ ل دژى كوردێن ئێزدى ب جینۆساید ناساندبوون.