کۆڤان حسێن
پشتى پترى 150 سالێن سهرخوهبوونا ئهمریكا و ئازادى و دیموكراتییا وێ یا نموونه و بهردهوام و پتشى ب سالان خهلك فێرى گازندا و رهخنێ و نهرازى بوونێ بووى و پشتى سهردهمهكێ حزبێن سیاسى ههموو رێك بۆ كۆمكرما دهنگا ب كارئینانا (جون كێندى) سهرۆكێ ئهمریكییێ دهمێ خوه ب رستهكێ دووماهی ب دههان سالێن مشتومرا سیاسى ل ئهمریكا ئینا و بۆ مودێلهكا سیاسى ل ئهمریكا و گوت (هێدى بهسه بێژین دێ ئهمریكا بۆ من چ كهت شتى ڤان ههمى سالان ژ سهرخوهبوونێ دهمێ هندێیه ههر كهسهك ئێدى بێژیت ئهوى بۆ ئهمریكییا چ كرییه یان دێ بۆ ئهمریكا چ كهت).ل گور ڤى پیڤهرێ بیت بۆ مه هێشتا سهدان سال ماینه ئهم ژَى ڤێ پرسیارێ ژخوه بكهین وهك تاك و هاوهلاتى. ههر چهنده یا تاكێن ڤى وهلاتى كرى یاكیم نینه. ئهگهر وهلاتى خوین و خوهـ و ئاوارهى و زیندان ڤیابن ب مهردانه ڤى مللهتى .پێشكێشى وهلاتى كرییه. ژ راست ژى دهمێ درینا بهرههمییه.لێ ئهو بهرههمێ سیاسێن بهرێ بۆ مه گرنگ پرانییا وان هاتینه دى سهرخوهبوون نهبیت, ل پارصێن دى هێشتا خهونا ب نیڤهكا یا باشوور ڤه دبینن. بۆ مه دبیت ئهو دهم بوورى بیت وهلاتى چى ههیه بده مه. ئازادى و رومهت و رزگارى و بیركرنا بێ سنۆر و ههموو بهایهكێ ڤى سهردهمى ب كێم یان زێده وهلاتى بۆ مه بهرجهسته كرییه و نموونه ژى ئهوه دبیت ئهم ب دژوارى رهخنا ب گرین و گازندا ب كهین شانازییا ب كهین بێ ئهم ترسێ ژ رهنگڤهدانا دهستهلاتێ ب كهین. باشترین دیموكراتى ئهوه هێزێن ئیدارا دهستهلاتێ دكهن ژ هاوهلاتێن خوه ب ترسن نهك هاوهلاتى ژ هێزا دهولهتێ ب ترسیت,ئهڤه ل كوردستانێ دهستههلات ب ههموو هێز و جهبهروتا خوهڤه ههر چهند سالان دادبهزیت سهربهختێ وهلاتییان وهك خازوكا دهنگا دخازیت.بۆ بهردهوامییا شهرعیهتا بیروكراتییا دهولهتێ و پاشى بهردهوامییا مانا بریارا هێزێ د دهستى وان كوالسیۆنادا یێن حكومهتا دروست دكهن.دبیت گهلهك مابیت بۆ وهلاتى بهێتهكرن دبیت زور برێنێن وهلاتى سارێژ نهببن.دبیت هێشتا خهمهكا مه ئهو شههیدێن ئاواره بن دبیت ئهو رهڤهندا كوردییا ئاواره بیت دبیت ئهو سیستهمێ نهسهردهمانهبیت ل هندهك وارا دبیت ئهو گهندهلى و بێ عهدالهتییه بیت دبیت ئاریشێن ژیانێ بن.لێ ئهڤه ههموو مهێن هاوهلاتى ژ هندێ ئازا ناكهن پشتى 30 سالان ژ ئازادییا وهلاتى كهس نهبیت جورئهت ب كهتن ژبهر ههلبژارتنا وهك كێندى بێژیت.ڤى كهسێ نوكه.ته چ كرییه یان دێ چ كهى بۆ وهلاتى.ههموو ئاسان ئهركێ دهولهتێ و حكومهتێ دزانن چییه بۆ وهلاتى. بهلێ ئهركێ هاوهلاتى نوكه كهس جورئهت ناكهت بێژیت چیه.ئهمێن هاوهلاتى دئازا كرى نینن ژ ئهركى. بهلێ كهنگى و ل كیڤه و ل سهر چ ئاستى و بۆ چ مهرهم. ئهرێ وهلات ب رهخنا و هیڤییا ئاڤا نابن، ب شولى ب كهدێ ئاڤا دبن ژلایێ خهلكێ خوهڤه لێ كهس ئامادهنینه ڤى بابهتى ب ئازرینیت.
