ب ڕێكا ئەڤی لینكی ناڤێ خۆ بۆ دامەزراندنێ ل نه‌خۆشخانه‌یا ئازادى دابگرە

ڕێڤەبەرییا گشتییا ساخلەمییا پارێزگه‌ها دهۆکێ ئاگه‌هدارییا هه‌مى وه‌لاتییێن سنوورێ پارێزگه‌ها دهۆکێ دكه‌ت، كو ب ڕێكا ئه‌ڤى لینكی فۆرما دامه‌زراندنێ ل پشكا ته‌نگاڤییان هه‌وارهاتنێ ل نه‌خۆشخانه‌یا ئازادى دابگرن.

ده‌قێ ئاگه‌هدارییا ساخله‌مییا پارێزگه‌ها دهۆكێ:

وه‌لاتییێن سنوورێ پارێزگه‌هێ دشێن فۆرما پێشکێشکرنا دامەزراندنێ ب شێوه‌یێ گرێبەست ب ڕێکا ئەڤی لینکێ ل خوارێ دابگرن، کو هەمی مەرج و ڕێنما تێدا هاتینە ڕۆنکرن.

تێبینی: بۆ دەمێ 10 ڕۆژان لينكێ خۆ تۆماركرنێ دێ يێ ڤه‌كرى بيت، ل 02-08-2023 ناڤ تۆماركرن دێ ده‌ستپێكه‌ت هەتا 11-08-2023 دێ ب دووماهیك هێت.

پله‌یێن دامەزراندنێ دێ ب ئه‌ڤی ڕەنگی هێنە وەرگرتن:

– 80 په‌رستار

– 4 ئه‌ندازيارێن ئاميره‌یێن پزيشكى، تێبينى: ب تنێ بۆ ده‌رچووێن زانكۆيا دهۆك كۆليژا ئه‌ندازيارى پشكا Biomedical Engineering.

– 4 وێنه‌گرێن تيشكێ

– 4 هاريكارێن تاقيگه‌هێ

– 8 تافيلكه‌ر

مه‌رجێن وه‌رگرتنێ:

1- نابیت پێشكێشكار ل چ داموده‌زگه‌هێن حكومى يێ دامه‌زراندى بيت، ب هه‌ر شێوه‌يه‌كى (هه‌ميشه‌ى يان گرێبه‌ست).

2- ڕێژه‌یا وه‌رگرتنا ڕه‌گه‌زێ مێ و نێر ( 50/50).

3- دڤێت خزمه‌تا پێشكێشكاری وه‌كو خۆبه‌خش ژ ساله‌كێ كێمتر نه‌بیت.

4- پێشكێشكار دێ هێنه دامه‌زراندن بۆ پشكا ته‌نگاڤیيان ل نه‌خۆشخانه‌یا ئازادى يا فێركارى و ب چ شێوه‌یه‌كێ ناهێته ڤه‌گوهاستن بۆ چ داموده‌زگه‌هێن دی يێن ساخله‌میيێ.

هه‌ر لينكه‌ك ژبلى وێب سايتێ ڕيڤه‌به‌ریيا گشتىيا ساخله‌میيا دهۆكێ يان وه‌زاره‌تا ساخله‌مییێ بهێته‌ به‌لاڤه‌كرن، ئه‌م به‌رپرسيار نينين ژ ده‌رئه‌نجامان.

لينكێ تۆماركرنێ

https://recruitment.moh.gov.krd/duhok

ڕێڤەبەرییا گشتییا ساخلەمییا پارێزگه‌ها دهۆکێ