سەرۆکێ حکومەتێ پێشوازی ل وەزیرێ بەرگرییا ئیستۆنیا كر

ئەڤرۆ چارشەمبی 2 ی ته‌باخا 2023 ێ” مەسرور بارزانى، سه‌رۆكێ حکومەتا هه‌رێما كوردستانێ، پێشوازى ل هاننۆ پیڤکۆر وەزیرێ بەرگرییا ئیستۆنیا کر.

د وێ کۆمبوونێ دا” قوباد تالەبانی، جێگرێ سەرۆک وەزیران ئامادە بوو، دانوستاندن ده‌ربارەیی ره‌وشا گشتییا عێراقێ و پێشخستنا پەیوەندی یێن دولایەنی هاته‌ كرن و ته‌كه‌زی ل سه‌ر پشته‌ڤانییا پێشمەرگەیی د به‌رهنگاربوونا تیرۆرێ و سەقامگیربوونا ئاشتی و ئاسایشێ ل ڤێ ده‌ڤه‌ڕێ هاته‌ كرن.

گرنگییا بەردەوامبوونا هاریکاری و هه‌ماهەنگییا ئەمنی و سەربازی دناڤبه‌را هەردو ئالیان دا، تەوەره‌كێ دیتر یێ وێ کۆمبوونێ بوو” ب  تایبەتی به‌رهنگاربوونا هێرشێن تیرۆیستێن داعشێ و د ڤی واری دا سەرۆکێ حکومەتێ سوپاسییا هێزێن ئیستۆنیا کر كو د چارچۆڤێ هه‌ڤپەیمانییا نێڤدەولەتییا ل دژی داعشێ، بەردەوامن د پشته‌ڤانییا پێشمەرگەیی دا.

وەزیرێ بەرگرییا ئیستۆنیا ، ئامادەییا وه‌لاتێ خۆ بۆ پێشخستنا هاریکاری و هەماهەنگی و بەردەوامبوونا پشته‌ڤانییا پێشمەرگەیی دەربڕی.