پارتی دێ ڤەگەڕیته‌ڤه‌ کەرکووکێ

ئاژانسا خانی” تایبەت:

ب بریاره‌كا وەزارەتا ناڤخۆیا عێراقێ” بڕیارا چۆلکرنا بارەگایێن پارتی ھاتییە دان و بەرپرسەکێ پارتی ژی دبێژیت، پارتی یا بەرھەڤە ڤەگەڕیته‌ڤه‌ کەرکووکێ” ئەگەر بارەگایێن مە بھێنە چۆلکرن ژلایێ ئەوان کەس و ھێزێن نوکە تێدا.

ئارام ئەحمەد، کارگێڕێ لقێ پارتی ل کەرکووکێ بۆ ئاژانسا خانی دیارکر” ژلایێ وەزارەتا ناڤخۆیا عێراقێ نڤیسارا فەرمی گەھشتییە پۆلیسێن کەرکووکێ و تێدا ھاتییە دڤێت بارەگایێن پارتی بھێنە چۆلکرن ب مەرەما رادەستکرنا وان، ئەگەر بارەگایێن پارتی یێن پشتی روودانێن ١٦ی ئۆکتۆبەرێ بھێنە ڤالاکرن” پارتی دێ بارەگایێن خوە وەرگریت و ئورگانێن حزبی ژی دێ ڤەگەرنه‌ڤه‌ کەرکووکێ.

ناڤهاتی گۆت ژی” پارتی بەرھەڤییان دکەت ڤەگەڕیته‌ڤه‌ کەرکووکێ، ب تایبەتی ئەم یێ بەرەف ھەلبژارتنێن جڤاتێن پارێزگەھانڤه‌ دچین و باشترە پارتی ڤەگەڕیته‌ڤه‌ بۆ بانگەشەیا ھەلبژارتنان، چونکی پارتی جەماوەرەکێ زۆر ل کەرکووکێ ھەیە و خەلکێ کەرکووکێ ل بەندا ڤەگەڕیانا پارتییە، ھەر چەندە دەمێ ڤەگەڕیانێ یێ دیار نینە، بەلێ ھەموو بزاڤ دھێنە کرن بۆ ڤەگەڕیانا بارەگایێن پارتی.