بالیۆزێ ئێكه‌تییا ئورۆپا ل عیراقێ بۆ خاتر خواستنێ سه‌ره‌دانا نێچیرڤان بارزانى كر

ئه‌ركێ بالیۆزێ ئێكه‌تییا ئورۆپا ل عیراقێ ب دووماهى هات و ب وێ هه‌لكه‌ڤتێ سه‌ره‌دانا نێچیرڤان بارزانى سه‌رۆكێ هه‌رێما كوردستانێ كر و به‌حسا ره‌وشا عیراقێ و هه‌رێما كوردستانێ ب گشتى كر.

سه‌رۆكایه‌تییا هه‌رێما كوردستانێ دراگه‌هاندنه‌كێدا دیاركر، نێچیرڤان بارزانى سه‌رۆكێ هه‌رێما كوردستانێ د دیداره‌كا خاتر خواستنێدا دگه‌ل ڤیله‌ ڤاریۆلا بالیۆزێ ئێكه‌تییا ئورۆپا ل عیراقێ كو ئه‌ركێ وى ب دووماهى هات، سوپاسى و پێزانین بۆ بزاڤێن وى ژ پێخه‌مه‌ت موكۆمكرنا په‌یوه‌ندییێن ئێكه‌تییا ئورۆپا دگه‌ل عیراقێ و هه‌رێما كوردستانێ ده‌ربرین و هیڤییا سه‌ركه‌ڤتنێ د ئه‌ركێن بهێندا بۆ خواستن.

ل دووڤ راگه‌هاندنا سه‌رۆكایه‌تییا هه‌رێما كوردستانێ ژلایێ خۆڤه‌، ڤاریۆلاى سوپاسییا سه‌رۆك نێچیرڤان بارزانى و لایه‌نێن په‌یوه‌ندیدارێن هه‌رێما كوردستانێ كر بۆ هاریكارى و پشته‌ڤانییا وان د ئه‌ركێن ویدا، هیڤی خواستن هه‌مان ئاستێ هاریكارییان دگه‌ل جهگرێ وى د به‌رده‌وامبن.

هه‌ڤده‌م سه‌رۆكایه‌تییا هه‌رێما كوردستانێ دبێژیت: ره‌وشا عراقێ و هه‌رێما كوردستانێ ب گشتى ته‌وه‌ره‌كێ دییێ دیدارێ بوو.