مه‌سرور بارزانى كه‌سه‌ك وه‌كو جێگرێ رێڤه‌به‌رێ كۆمپانییا سۆمۆ دیاركر

په‌یڤدارێ حكومه‌تا هه‌رێما كوردستانێ راگه‌هاند، ل دووڤ رێككه‌ڤتنا حكومه‌تا هه‌رێما كوردستانێ و حكومه‌تا عیراقێ، مه‌سرور بارزانى بریاردا حه‌مدى ئیلیاس ( حه‌مدى شنگالى ) ببیته‌ جێگرێ رێڤه‌به‌رێ كۆمپانییا سۆمۆ.

پێشه‌وا هه‌ورامى په‌یڤدارێ حكومه‌تا هه‌رێما كوردستانێ دیاركر، بۆ هندێ كۆمپانییا سۆمۆ رواله‌تییه‌كا فیدرالى وه‌ربگریت و نوونه‌رێ هه‌رێمێ دناڤ پێكهاتییێ ب رێڤه‌برنا كۆمپانییێدا ئاماده‌ بیت، سه‌رۆكوه‌زیران مه‌سرور بارزانى د. حه‌مدى ئیلیاس ( حه‌مدى شنگالى ) بۆ پۆستێ جێگرێ ب رێڤه‌برنا كۆمپانییا سۆمۆ دیاركر.

په‌یڤدارێ حكومه‌تا هه‌رێما كوردستانێ دبێژیت : پشتى ره‌زامه‌ندییا سه‌رۆكوه‌زیران محه‌مه‌د شیاع سوودانى، هه‌ر بۆ هه‌مان مه‌ره‌م وه‌زاره‌تا نه‌فتا عیراقێ فه‌رمان ده‌ركر، ناڤبرى ل كۆمپانییا سۆمۆ ده‌ستبكاربوو.