پێشه‌وا هه‌ورامى : حكومه‌تا هه‌رێما كوردستانێ هه‌موو داخوازییێن حكومه‌تا عیراقێ بجهئیناینه‌

په‌یڤدارێ حكومه‌تا هه‌رێما كوردستانێ ئاشكراكر، حكومه‌تا هه‌رێما كوردستانێ هه‌موو تشتێن پێدڤى ژ نه‌فت و داهاتێ ناڤخۆ راده‌ستى حكومه‌تا عیراقێ كرینه‌، لێ حكومه‌تا عیراقێ پابه‌ندى رێككه‌ڤتنا هه‌ڤپشك نه‌بوو.

پێشه‌وا هه‌ورامى په‌یڤدارێ حكومه‌تا هه‌رێما كوردستانی راگه‌هاند، ئه‌وان یا ل سه‌ر ملێن خوه‌ دبابه‌تێن داهاتێ ناڤخۆ، داهاتێ نه‌فتنێ و پێدانا هووربینییاندا بجهئینایه‌ و روونكرن داینه‌، هه‌موو داخوازییێن حكومه‌تا عیراقێ ژلایێ حكومه‌تا هه‌رێما كوردستانێڤه‌ هاتینه‌ بجهئینان، لێ دڤێت حكومه‌تا عیراقێ پابه‌ندییێ ب پرۆژه‌قانوونا بودجه‌ى بكه‌ت.

دیار ژى كر، ئه‌ڤه‌ دقالبدانا هه‌رێمێدا نینه‌، به‌لكو غه‌دره‌كه‌ ل فه‌رمانبه‌ر و مووچه‌خۆرێن هه‌رێما كوردستانێ دهێته‌كرن، د ده‌مه‌كیدا حكومه‌تا هه‌رێما كوردستانێ تماما ئه‌ركێن ل سه‌ر ملێن خوه‌ بجهئیناینه‌.

هه‌روه‌سا پێشه‌وا هه‌ورامى دیاركر، ئه‌و نزانیت حكومه‌تا هه‌رێما كوردستانێ دڤێت چ دى بكه‌ت داكو مووچه‌یێ مووچه‌خۆرێن هه‌رێما كوردستانێ بهێته‌ هنارتن، هیڤیداره‌ حكومه‌تا عیراقێ ئێدى ڤى بابه‌تى نه‌كه‌ته‌ كارته‌كا سیاسى و فشاره‌ك بۆ برسیكرنا خه‌لكێ هه‌رێما كوردستانێ، ئه‌و نیازه‌كا باش ل پشت ڤى بابه‌تى نابینن.

ئاماژه‌ ب هندێ ژى دا، حكومه‌تا هه‌رێما كوردستانێ بۆ پركرنا كورتئینانا مووچه‌ى، دێ پشتبه‌ستنێ ل داهاتێ ناڤخۆ كه‌ت و ب رێكا داهاتێ ناڤخۆ ڤى بابه‌تى چاره‌سه‌ر كه‌ت.