<h3></h3> <h3></h3> <h3><span style="font-size: 18pt;">دادگەها بلندا فیدرالییا عێراقێ سکالا سەرۆکێ حکومەتا هەرێما کوردستانێ ل سەر یاسایا بودجەیی گوتۆبێژ كر و بڕگا ئێكێ ژ مادێ 11 و بڕگا حەفتێ ژ مادێ 13 هەلوەشاند.</span></h3> <h3><span style="font-size: 18pt;">ئەڤرۆ دوشەمبی 7 ی ته‌باخا 2023 ێ" دادگەها بلندا فیدرالییا عێراقێ دۆسیەیا ژمارە (168/فیدرالی/2023) گوتۆبێژ کر، کو ژلایێ سەرۆکێ حکومەتا هەرێما کوردستانێ ل دژی سەرۆکێ جڤاتا نوونەران هاتبوو تۆمار کرن، ده‌رباره‌یی یاسایا ژمارە 13 یا سالا 2023 ێ د بودجەیێ گشتییێ فیدرالییێ عێراقێ بۆ سالێن دارایی (2023، 2024 و 2025) ێ.</span></h3> <h3><span style="font-size: 18pt;">بڕیارا دووماهییێ و پابەندکەر بۆ هەموو دەسهه‌لاتان هاته دان و بڕیارا نه دەستووریبوونا دەستەواژەیا (ب ڕەزامەندییا سەرۆک وەزیرێن فیدرالی) د بڕگا ئێكێ یا مادێ 11 ێ دا کو ئاماژە پێ هاتبوو دان، هەروەسا دەستەواژەیا (ئەگەر ئه‌و ئاریشه نه‌هاته چارەسەر کرن، پەرلەمانێ عێراقێ بڕیارا پێدڤی بده‌ت) د بڕگا حەفتێ یا مادێ 13 ێ بهێته هه‌لوه‌شاندن.</span></h3> <h3><span style="font-size: 18pt;">بڕگا ئێكێ یا ژ مادێ 11 ێ كو یا تایبەت بوو ب خەرجکرنا پشکا هەرێما کوردستانێ ب "ڕەزامەندییا سەرۆک وەزیرێن فیدرالی"، ژ لایێ دادگەها فیدرالیڤه بڕیارا نه دەستووریبوونێ هاته دان.</span></h3> <h3><span style="font-size: 18pt;">هەروەسا بڕگا حه‌فتێ یا مادێ 13 ی كو یا تایبەته ب کێشێن دناڤبه‌را هەولێر و بەغدا دا، " ژ ئەگەرێ چارەسەرنەکرنا کێشێن دناڤبه‌را وان دا، جڤاتا نوونەرێن عێراقێ بڕیارێ بده‌ت" بڕیارا نه دەستووریبوونێ هاته دان.</span></h3> <h3><span style="font-size: 18pt;">ئه‌ڤ چه‌نده هات پشتی، کو مەسرور بارزانی سەرۆکێ حکومەتا هەرێما کوردستانێ سکالا ل دژی چەند مادێن یاسایا بودجەیێ فیدرالی تۆمار کرین.</span></h3>
