شاندێ پارتی بۆ چوارچووڤێ هەماهەنگییێ: پێدڤی ناکەت مووچەیێ خەلکی ب چ بابەتەکێ دیڤە گرێبدەن

ژێدەرەکێ تایبەت ژ بەغدا بۆ ئاژانسا خانی ڕاگەهاند، د کۆمبوونا ئێڤاریا ئەڤرۆ دا، شاندێ پارتی گۆتیە بەرپرسێن چوارچووڤێ هەماهەنگییێ، پێدڤی ناکەت پرسا مووچەیێن خەلکی ب چ بابەتەکێ دیڤە گرێبدەن.

ئێڤاریا ئەڤرۆ ڕۆژا دووشەمبی 7-8-2023، شاندێ بلند یێ هەرێما کوردستانێ دگەل محەمەد شیاع سوودانی، سەرۆکوەزیرێن عیراقێ و چوارچووڤێ هەماهەنگییێ ل مالا هادی عامری کۆمبوون و دەربارەی پرسێن پێگیربوونا حکومەتا عیراقێ ب ڕێککەفتنا دناڤبەرا هەولێر و بەغدا دا و جێبەجێکرنا یاسایا بودجەی و ب دەستڤەئینانا شایستەیێن دارایی یێن هەرێما کوردستانێ و ڕێککەفتن لسەر دەمێ یاسایێ نەوت و غازێ دگەل هەڤپەیمانیا ئیدارەیا دەولەتێ گۆتوبێژ کرن.