پەرلەمانتارەکێ پارتی: پێدڤییە شایستەیێن ھەرێمێ بێی لێبرین و گیر و کرن بھێنە ھنارتن

ئاژانسا خانی ” تایبەت:

ئەڤرۆ دوشەمبی وەزارەتا داراییا عێراقێ رێنمایێن بجهئینانا قانوونا بودجەیی دەرکرن و پەرلەمانتارەکێ پارتی ئاشکرا کر، پێدڤییە شایستەیێن دارایی یێن ھەرێما کوردستانێ بێی لێبڕین و گیرۆکرن بھێنە ڤڕێکرن.

سیپان شێروانی” پەرلەمانتارێ فڕاکسیۆنا پارتی بۆ ئاژانسا خانی دیار کر: ئەڤرۆ وەزارەتا دارایی رێنمایێن تایبەت بۆ بجهئینانا قانوونا بودجێ ئەڤ سالە و دو سالێن د بهێن دەرکرن و قانوونا بودجەیی کەفتە د بیاڤێ بجهئینانێ دا، بەری نوکە ژی شاندێ حوکمەتا ھەرێما کوردستانێ و شاندێ بەغدا لدۆر ھوورکارییێن بجهئینانا قانوونا بودجێ گشتییێ عێراقێ گەھشتینە رێکكەفتنێ، ب تایبەتی ئەو مادە و بڕگەیێن گرێدایی ھەرێما ب کوردستانێ ڤە.

ناڤهاتی گۆت ژی” مادەم رێنمایێن بجهئینانا قانوونا بودجەیی ھاتینە دەرکرن” ئەرکێ حوکمەتا فیدڕالییە ھەموو شایستەیێن دارایی یێن خەلکێ ھەرێما کوردستانێ بێی گیرۆبوون و بێی لێبڕین ڤرێکەت، چونکی ئەڤە ئەرکێ حوکمەتا عێراقێ و مافێ ھەرێما کوردستانێیه‌.