بەرپرسهكێ وەزارەتا بەرگرییا ئەمریکا دبێژیت، “هێزا پێشمەرگەیی پشكهكا گرنگا هێزێن ئاسایشا عێراقێیە و ل دەستوورێ عێراقێدا دانپێدان پی كرییه مه دڤێت ههماهەنگییا زێدهتر دناڤبهرا پێشمەرگەیی و هێزێن عێراقێ دا ههبیت؛ هەروەسا مه دڤێت پێشمەرگەیی ژیدهرێ پێدڤی هەبیت و ب باشی بودجە بۆ بهێته دابین كرن ههتاكو بشێن كارێن خۆ برێڤه ببهن.
وی بەرپرسێ پنتاگۆنێ سهبارهت یەکەیێن 70 و 80 ێ یێن هێزا پێشمەرگەیی گۆت، “ئەوا مه دڤێت ب بینین، هەبوونا هێزهكا پێشمەرگەیی یا بێلان و ژێر چەترێ وەزارەتا پێشمەرگەیی دابیت” مه دڤێت لیوایێن پێشمەرگەیی ژێدهری پێدڤی ل بهر دەستێ وان دا بیت و بودجەیی و هێز پێ بهیته دان داكو ب ئهركێن خۆ راببن.
هێشتا دبێژیت، “پێشمەرگە ههڤپشكهكێ مه یێ گرنگ بوویە د شەرێ ژناڤبرنا داعشێ دا و مه دڤێت بەردەوام بین د کارکرن و مەشقپێکرنا پێشمەرگەیی دا بۆ هندێ پتر پرۆفیشنال بن. بۆ ڤێ ژی، پابەندییا ئەمریکا بۆ کارکرن ل گەل لیوایێن بێلایەن و ئێکگرتی بۆ سەرکردایەتییا سیاسی ل هەرێما کوردستانێ هاتیه رۆهنکرن.”
