مەسرور بارزانی: نابيت جۆداهی دناڤبه‌ر‌ا چ تاخ و ده‌ڤه‌ران دا بهێته‌ كرن

ئەڤرۆ دوشەمبی 14 ی ته‌باخا 2023 ێ” مەسرور بارزانی، سەرۆکێ حکومەتا هەرێما کوردستانێ سەره‌دانا چەند کۆلان و تاخان ل باژێرێ دهۆکێ کر و ژ نێزیکڤە گوهی خۆ دا داخوازی یێن خه‌لكێ وان تاخان.

سەرۆك وەزیرێن هەرێما كوردستانێ سه‌ه‌ردانا چه‌ند مالان كر و گۆت: “نابیت جۆداهی دناڤبه‌را چ تاخ و ده‌ڤه‌ران دا بهێته‌ كرن و پێدڤییە ب وه‌كهه‌ڤی خزمەتگوزاری یێن گشتی بۆ بهێنه‌ دابین کرن و پێدڤییە وەکو ئێك خزمه‌تگۆزاری بگه‌هنه‌ هه‌موویان.

ئه‌و ژی گۆت: “ئارمانجا ڤێ سەره‌دانێ بۆ هندێ بوو، بزانین خزمه‌تگۆزاری نه‌گه‌هشتینه‌ چ جهان، داكو خزمەتگوزاری یێن گشتی وەکو (ئاڤ، کارەبا، ساخله‌می و قوتابخانە) بگه‌هنه‌ هه‌موو جهان.

داخواز ژ پارێزگارێ دهۆکێ کر، پتر گرنگییێ ب وان تاخان بدەن یێن كو وه‌كو پێدڤی خزمەتگوزاری بۆ نه‌هاتینه‌ دابین کرن.