عه‌بدولخالق ته‌لعه‌ت: رێکارێن دەست ب کاربوونا دو لیوایێن هه‌ڤپشك ل ده‌ڤه‌رێن کوردستانی یێن دەرڤه‌یی ئیدارا هەرێمێ تەمام بووینە

ئاژانسا خانی:

نوونەرێ حکومه‌تا هەرێما کوردستانێ ل فەرماندەییا ئۆپەراسیۆنێن هێزێن هه‌ڤپشك یێن عێراقی” دیار كر: بۆ دەست ب کاربوونا دو لیوایێن هه‌ڤپشك ل ده‌ڤه‌رێن کوردستانی” رێکارێن ئیداری و یاسایی تەمام بووینە” هه‌كه‌ به‌ندێن بودجێ گشتی یێ عیراقێ بهێنه‌ بجهئینان” ئه‌و لیوایه‌ دێ دەست ب کار بن، ب ڤی ره‌نگی ئه‌و ئاریشێن ل وان ده‌ڤه‌ران هه‌ین دێ هێنه‌ چاره‌سه‌ر كرن.

لیوا عەبدولخالق تەلعەت، زێده‌تر بۆ ئاژانسا خانی ئاشكرا كر: نوكه‌ هەموو رێکارێن ئیداری و یاسایی یێن دەست ب کاربوونا لیوایێن هه‌ڤپشك ل ده‌ڤه‌رێن کوردستانی یێن دەرڤه‌یی ئیدارا هەرێما کوردستانێ تەمام بووینە” نوكه‌ ئه‌م ل هیڤیا هندێ نه‌ كو بودجێ ئه‌ڤ ساله‌ بهێته‌ مه‌زاختن” داكو پاره‌ بۆ وان لیوایان بهێته‌ خه‌رج كرن، دیسان ئه‌م چاڤه‌رێ هندێنه‌ كو رێككه‌فتنا دناڤبه‌را هەرێم و بەغدا دا بهێته‌ بجهئینان، ئەو لیوایه‌ ژی دێ ل ده‌ڤه‌رێن كوردستانی ده‌ست ب كار بن” هه‌روه‌سا ئه‌و هه‌ردو لیوایه‌ دێ ل هەموو ده‌ڤه‌رێن دەرڤه‌یی ئیدارا هەرێما کوردستانێ هێنه‌ به‌لاڤكرن و ئاریشێن ئه‌منی ژی دێ ل وان ده‌ڤه‌ران هێنه‌ چارەسەر كرن.