بزاڤا گۆڕان ب هه‌لكه‌فتا 77 سالییا دامەزراندنا پارتی دیموکراتی کوردستان، د پەیامه‌كێ دا، پیرۆزباهییێن خۆ ئاراستەیی سەرۆک مەسعود بارزانی و ئەندامێن مەکتەبا سیاسی و ئەندام و لایەنگرێن پارتی کرن.
دەقی پەیاما بزاڤا گۆڕان:
بەڕێز، کاک مەسعود بارزانی، سەرۆکێ پارتی دیموکراتی کوردستان، بەڕێزان ئەندامێن مەکتەبا سیاسی و کۆمیتەیا ناڤەندی.
ب هه‌لكه‌فتا (77) سالییا دامەزراندنا پارتی دیموکراتی کوردستان، پیرۆزباهییێ ل هه‌وه‌یێن به‌رێز و ئەندام و لایەنگرێن هه‌وه دکەین، ھیڤیدارین ئەڤ بیه‌وه‌رییه ده‌ستپێكه‌ك بیت بۆ دارێژتنا ستراتیجییه‌كا نیشتیمانییا کوردستانی، کو ببیتە ھێڤێنێ ئێکڕێزی و ئێک گۆتارییێ و پێداگیرییێ ل سەر چاکسازییێ و به‌ر‌سڤدانا داخوازییێن وه‌لاتییان دناڤا ھەرێمێ و، ب دەستڤه‌ئینانا مافێن دەستووری ل کەرکووکێ و ده‌ڤه‌رێن ده‌رڤه‌یی ئیدارا هه‌رێمێ و عێراقێ ب گشتی” ھه‌ڤده‌م، ره‌وش و ھەلومەرجێن سیاسیی، گوهۆرین و مەترسی، ھه‌ڤکێشێن سیاسی وه‌سا دخوازن پارتی دیموکراتی کوردستان و ھەموو ھێزێن سیاسی ب جددی پێنگاڤان بۆ ب ھێزکرنا سازییێن حوکومڕانییا ھەرێمێ و ب نیشتیمانیکرنا ھێزێن پێشمەرگەیی و به‌رهنگاری گەندەلییێ ببن، ئەڤ پێنگاڤە پێشمەرجن بۆ زامنکرنا شایستەیێن دارایی یێن ھەرێمێ و ب هێزبوونا پێگەهێ کوردان د چارچۆڤێ دەولەتا عێراقا فیدڕالی دا.
