سەرۆك مەسعود بارزانی ب هەلكەفتا دامەزراندنا پارتی دیموكراتی كوردستان پەیامەك بەلاڤكر.
دەقێ پەیاما سەرۆك بارزانی؛
ب ناڤێ خودێ مەزن و دلوڤان
ب هەلكەفتا 77 سالڤەگەڕا دامەزراندنا پارتی دیموکراتی کوردستان گەرمترین پیرۆزباهییێ ل خێزانێن سەربلندێن شەهیدان و پێشمەرگەیێن قاهرەمان و سەرکردایەتی و كادر و ئەندام و لایەنگرێن پارتی و هەمی وەلاتییێن کوردستانێ و خەباتگێڕ و ئازادیخوازان دكەم.
د ئەڤێ ڕۆژێدا پێزانین من بۆ خەبات و قوربانیدان جەماوەرێ پارتی هەیە کو د قۆناغێن دژوار و چارەنڤیسدا هەردەم هێڤێنێ خۆڕاگری و بەردەوامی و نەراوەستاندن و ب هێزتربوونا دۆزا گەلێ کوردستانێ بووینە.
پارتی و ڕێبازا بارزانی د دەمێ بووری و نوكە و داهاتیدا، جهێ ئومێد و دەست و شیانا ب هێزا کوردستانێ و پارێزەر و بەرگریکارا دۆزا ڕەوایا گەلێ کوردستانێ نە و پێدڤییە سەرکردایەتی و جەماوەر و ئەندامێن پارتی د ئاست ئەو بەرپرسیاریەتییا مەزندا بن.
نەمریی بۆ شەهیدێن ڕێكا ئازادییێ
مسعود بارزانی
16ی تەباخا 2023
