سهرۆككۆمارێ عیراقێ ل 77 سالییا دامهزراندنا پارتى دیموكراتى كوردستان پهیامهك ئاراستهیى سهرۆك بارزانى كر و دبێژیت: دڤێ قووناغا گرنگدا ل سهر ئاستێ سیاسى، ئابوورى و ئهمنى ل عیراقێ وان ژ ههموو دهمێن دى پتر پێدڤى ب ئێك رێزى و ههماههنگی و كارێ ههڤپشك ههیه.
سهرۆكێ پارتى دیموكراتى كوردستان سلاڤێن خۆدایێ مهزن ل ته بن
ب ههلكهڤتا 77 سالییا دامهزراندنا پارتى دیموكراتى كوردستان، خۆشحالم كو گهرمترین و جوانترین پیرۆزباهییان ل ههوهیێن بهرێز دكهم و ب رێكا ههوه پیرۆزباهییێ ل ئهندامێن مهكتهبا سیاسى و كۆمیتهیا ناڤهندى و بنهمالێن شههیدان و تماما ئۆرگان و ئهندام و پێشمهرگه و جهماوهرێ حزبا وه یا تێكۆشهر و ههموو گهلێ خوه دكهم.
د دهمهكیدا دامهزراندنا پارتى دیموكراتى كوردستان ل بیر دئینین، دڤێ قووناغا گرنگدا ل سهر ئاستێ سیاسى و ئابوورى و ئهمنى ل عیراقێ مه ژ ههموو دهمێن دى پتر پێدڤى ب ئێك رێزى و ههماههنگى و كارێ ههڤپشك ههیه.
ژ پێخهمهت مۆكۆمكرن و پێشڤهبرنا بنهمایێن دیموكراسیهتێ ل واقعێ عیراقێ و بجهئینانا ماددهیێن دهستوورى بۆ پشتراستبوون ژ بجهئینانا خواست و ئارهزوویێن گهلێ عیراقێ، مه ئیلهام ژ گیانێ خۆراگرى و هێزا حزبا وه یا تێكوشهر وهرگرتییه، ب ئارمانجا بجهئینانا ئاشتى و ئارامییێ و چهسپاندنا سهقامگێرى و سهروهرییا قانوونێ و مسوگهركرنا مافێن وهلاتییان یهكسانى و دادپهروهرییا جڤاكى و ژیانهكا شكۆمهندا ل كوردستان و ههموو عیراقێ.
ژ خۆدایێ مهزن دخوازین حزبا وه یا تێكوشهر ل سهر رێبازا خوه ژ پێخهمهت ئێك رێزییا گهلێ عیراقێ ب ههموو پێكهاتهیێن وێڤه یا بهرهوام بیت و هیڤییا ساخلهمی و سهركهڤتنا ههردهم بۆ دخوازم.
سلاڤ ل پارتى دیموكراتى كوردستان ل سالیادا دامهزراندنا وێ
