د. سالار عوسمان
گه‌له‌ك جاران دڤێت پرسیار بكه‌ن، دووماهی پرسیار چییه، چه‌وا بوون و بها و تێگه‌هان روون دكه‌ت، پرسیار بۆ به‌رسڤان دهێنه ره‌وانه‌كرن و به‌رسڤ ژى ب به‌رهه‌مدارى، به‌رهه‌مدارییه‌كا ڤه‌كرى بۆ دانوستاندنان.
-
بۆچى پارتى دیموكراتى كوردستان درووست بوو؟
-
نوونه‌رایه‌تییا چ دكه‌ت؟
-
بۆچى هه‌تا نوكه‌ژى، پشتى 77 سالان هه‌ر ل پێشه و د پرۆسه‌یا هه‌لبژارتناندا پترین ده‌نگێن گه‌لێ خوه بده‌ستڤه‌دئینیت؟
ئه‌ڤ پرسیاره ده‌رگه‌هى به‌رامبه‌ر به‌رسڤ و دانوستاندنان ڤه‌دكه‌ن، تایبه‌ت بۆ ئه‌وێن شیانێن دانوستاندنان هه‌نه و كه‌ربێ به‌رێ چاڤى و به‌رێ هزرى و به‌رێ لێكدانا وان نه‌گرتى.
-
پارتى بۆ قه‌زیا كوردى و بۆ كوردستانێ دروست بوویه، له‌وما دێ بۆ هه‌تا هه‌تایێ مینیت، ژبه‌ركو هه‌تا هه‌تایێ كورد و كوردستان هه‌نه دێ ژین و دێ مینن.
-
پارتى نوونه‌رایه‌تییا گه‌لى دكه‌ت، گه‌له‌ك كو هه‌تا نوكه قه‌زیا وێ چاره‌سه‌ر نه‌بوویه، ئانكو پارتى چاره‌سه‌ره.
-
پترین ده‌نگێن گه‌لێ خوه دئینیت، ژبه‌ركو یا راسته، ژبه‌ركو ل ده‌مێ شه‌رى پێشمه‌رگه‌یه و ل ده‌مێ ئاشتییێ ده‌ستێ خێرێ درێژ دكه‌ت و ل ده‌مێ حوكمرانییێ ژى سه‌ر راست و ئێك روویه.
ب رێكا ڤان سێ پرسیارێن ساده و كوور تێدگه‌هین، كو پارتى سحرا مانێ هه‌یه، دیسان ل وێ یەكێ دگه‌هین، كو ڕێبه‌رێن ڤێ ڕێبازێ وه‌كو مه‌عشوق عاشقێن كوردستانێنه، دیسان ل وێ ڕاستییێ دگه‌هین، كو دووهى (سه‌رۆك مسته‌فا بارزانى) و ئه‌ڤرۆ ژى (سه‌رۆك مه‌سعوود بارزانى) هێما و هێڤین و هه‌ژى ڕێبه‌رایه‌تییا وى گه‌ل و دۆزێ نه، كو نه خه‌ونێن وێ ب تمامى بجهـ هاتینه و نه دۆزا وێ ژى چاره‌سه‌ر بوویه، ئانكو كاروان یێ به‌رده‌وامه..!
بۆ وان هه‌موویێن كو خه‌ونا لاوازبوونا پارتى بۆ وان بوویه گرێیه‌كا ده‌روونى، دڤێت ژ (داربه‌رییێ) پرسیار بكه‌ن، كا رامانا كووراتى، مان، به‌رهه‌مدارى و سه‌ربلندییێ چییه.؟!
