<h3 style="text-align: justify;"><span style="font-size: 18pt;">رێڤهبهرێ ئاڤا بهردهرهش راگههاند، نێزیكى 25 بیرێن ئاڤێ ل سنۆرێ قهزایا بهردهرهش و گوندێن وێ ههیه، ئاریشهیا كێمییا ئاڤێ ههیه و پشكهك ژ وان هشكبووینه، و دبێژیت : بریار ل سهر بجهئینانا 10 پرۆژهیێن ئاڤێ هاتییه دان، هندهك پرۆژه ژبهر نهبوونا پارهى هاتینه راگرتن.</span></h3> <h3 style="text-align: justify;"><span style="font-size: 18pt;">رێبهر نازم رێڤهبهرێ ئاڤا بهردهرهشێ بۆ ئاژانسا خانى دیاركر، د ئهڤ ساله و سالا بووریدا ئاریشهیا كێم ئاڤییێ بۆ نێزیكى 25 بیران دروستبوویه و پێنج بیر هشكبووینه ژى و گوت : ئهڤ هكشبوونه ژ ئهگهرێ كێم بارانییا سالێن بوورییه، ههتا سالا بهێت دبیت نێزیكى 10 بیرێن دى ژى هشكببن، ژبهركو ئهو بیرێن بۆ چاندنێ دهێنه كۆلان پتر دهێنه بكارئینان و كارتێكرنێ ل سهر بیرێن وان دكهن.</span></h3> <h3 style="text-align: justify;"><span style="font-size: 18pt;">زێدهتر ئاشكراكر وان دوو جۆرێن پرۆژهیان بۆ چارهسهركرنا ڤێ ئاریشهیێ ههنه، ئێك ژ وان ل سهر بودجهیا وهزارهتا پلان دانانێ یه كو 10 پرۆژه ههنه و دێ 660 ملیۆن دینار لێ هێنه مهزاختن، دوو پرۆژه هاتینه بجهئینان ئهوژى ( گۆمهزهر و پهلاس ) 95% كارێ وان تمامبوویه، ئێك ژ وان تهندهر بۆ كۆمپانییهكێ دهركهڤتییه، لێ حهفت بیرێن دى ژبهر نهبوونا پارهى دبانكاندا هاتینه راگرتن و ئهو نهشێن دهست ب جهئینانا وان بكهن.</span></h3> <h3 style="text-align: justify;"><span style="font-size: 18pt;">جۆرێ دووێ یێ پرۆژهیان، ئهو پرۆژهنه یێن كو سهرۆكێ حكومهتێ ل دهمێ سهرهدانا خوه یا ئهڤ ساله بۆ سنۆرێن ئاكرێ و بهردهرهشێ بریار ل سهر هاتییه دان، ژ وان ژى كۆلانا 10 بیران بۆ سنۆرێ بهردهرهش و گوند و ناحییێن وێ.</span></h3>
