لقا ههشت یا پارتى دیموكراتى كوردستان پهیامهك ل دۆر سهرهدانا سهرۆم بارزانى بۆ زاخۆ راگههاند.
لقا ههشت یا پارتى دیاركر، ئەڤرۆ سەرۆك مهسعوود بارزانی سەرەدانا باژێرێ زاخۆ کر و ژ لایێ عومەر ئۆرەیی بەرپرسێ لقا 8 یا پارتی و گوهدار شێخۆ سهرپهرشتێ ئیدارا سەربەخۆیا زاخۆ و د. پشتیوان سادق بەرپرسێ مەکتەبا رێکخستنا پارتی ل پارێزگەها دهۆکێڤە هاتە پێشوازیکرن، ل کۆچکا هۆنەری ب بەرهەڤبوونا مالباتێن شەهیدان و پێشمەرگەیێن دێرین و هەلگرێن میدالیا بارزانییێ نەمر و هەموو چین و تەخێن جڤاکی، ب ناڤێ خەلکێ باژێرێ زاخۆ، عومەر ئۆرەیی د پەیڤەکیدا خێرهاتنەکا گەرم ل سەرۆك بارزانی کر و سوپاسییا وى کر کو پشتەڤانێ سەرەکییێ ئاڤەدانکرنا زاخۆیە.
ئاماژه ب هندێ ژى دا، سەرۆك مهسعوود بارزانی پەیڤەك پێشکێشکر و ل بەراهییێ تیشك ئێخستە سەر رەوشا هەرێما کوردستانێ و عێراقێ و گۆت: ئەو دێ چاڤەرێی بجهئینانا وێ رێککەفتنێ بن یا کو حکومەتا کوردستانێ دگەل عێراقێ کری و هیڤیدارن رێککەفتن وەكو خوە بهێتە بجهئینان و دەستبەرداری هیچ مافەکێ هاولاتییێن هەرێما کوردستانێ نابن.
لقا ههشت یا پارتى ئاشكرا ژى كر، سەرۆك مهسعوود بارزانی بهحسا قارەمانی و خۆڕاگرییا خەلکێ باژێرێ زاخۆ کر و دیارکر، ئەو یێ هاتیە زاخۆ ژ نزیك وان پرۆژەیێن بۆ زاخۆ هاتینە بجهئینان ببینیت و گۆت ژی: ئەو ئەڤرۆبۆ هندێ ل زاخۆیه گۆهدارییا گازندە و داخوازیێن خهلكى بكهت.
گوت ژى : سەرۆك مهسعوود بارزانی ئەو ژی دیاركر، هندەك دەست و لایەن و کەس هەنە ب بەرنامە کار ل سەر هندێ کرییە کو گەنج تووشی ئالودەبوونا ماددەیێن هۆشبەر ببن و نوکە پێڕابوونێن تۆند هاتینە وەرگرتن و دێ بەرنامە هەبیت کو ل داهاتی دا ل گورەیی قانوونهكێ سزایێن تۆند بدەنە وان بازرگانان و داخوازێ ژ دایك و بابان ژی دکهت، ژ نزیك چاڤدێری و ئامۆژگارییان ل زارۆکێن خوە بکهن.
سەرۆک بارزانی ژ نزیك گوهداریا گازنده و داخوازیێن دایکێن شەهیدان و پێشمەرگەیێن دێرین و گەنجێن زاخۆ کر و سوز دایە خەلکی کو هەر چ پێدڤییه ب زووترین دەم دێ بۆ زاخۆ هێتە كرن.
سەرۆك بارزانی د گەشتا خوە دا بۆ زاخۆ، سەرەدانا پرۆژەیێ گەشتیارییێ کۆرنیشێ دەلال کر و ل خەلکێ زاخۆ و کوردستانێ پیرۆزکر.
ب ناڤێ لقێ ۸ێ پارتی دیموکراتی کوردستان، زۆر سوپاسیا سەرۆك بارزانی دکەن کو سەرەدانا زاخۆ کری و ژ نزیك دانوستاندن دگەل خەلکێ زاخۆ کری و سوپاسییا خەلکێ خوە یێ خۆشتڤی ژی دکەن ئەوێن پێشنیاز و بوچوون و داخوازیێن خوە گەهاندینە جەنابێ سەرۆك بارزانی و دیسان لێبورینێ ژ وی خەلکێ خوە یێ خۆشتڤی د خوازن یێن کو ژبەر بەرتەنگییا جهی و دەمی نەشیایین بەرهەڤ ببن.
