کۆڤان حسێن
ئەڤ وەلاتە چ دەمەكی هیچ سەقامگیرەیەكا سیاسی و ئابوری ب خۆ ڤە نەگرتییە و هەمی گاڤا كەڤتییە بەر شلقاڤێن سیاسییێن دژوار و خوینا وی ژی 90 دەولەتن و هێشتا نەشیایە ناڤ و قەبارەكێ ڕێزدار بۆ خۆ پەیدا كەتن و نەشیایە ژیانەكا هێژای (بەنی ئادەمی) بۆ خۆ مسوگەر كەتن. عیراقی ژ كودەتایێ و بۆ كودەتایێ ژڤی شەری بۆ ئەڤی شەری و هەمی گاڤا ژی خوسارەت و بێ دەست كەڤت و نە بووینە 25 سال مەزنترین گهۆرین ل عیراقێ ڕوودای و مەزنترین وێرانكاری و گەندەلی و شەرمزاری بۆ خۆ تۆماركر و هەمی شیانێن هەین یێن ماددی و مرۆڤی. ب كورتی میدیایا عیراقییا عەرەبی ئەڤان ڕۆژا پری دەنگوباسێن گهۆرینێیە. دبێژن جارەكا دی دێ سیستەم ل عیراقێ دێ هێتە گهۆرین. هەلبژارتن نەشیا گهۆرینێ بكەن و خۆپیشاندانا ژی نەشیان گهۆرینێ بكەن. دیارە دێ تلقمەكا دی سیاری هندەك (دەبابێن) بیانیا بیت وەك هەرجاری ل بەغدا گهۆرینێ دكەت. هزار سیناریۆ و سحبەت هەنە. ب دەهان ڕەنگا چیرۆك دهێنە گۆتن. سەدان ڤیدیۆ بەلاڤ دبن ژ لەشكەر كێشییا ئەمریكی و بیێ (بەرەیێ مقاومەتی) دەنگەگ ژێ بهێت. ئەرێ كینە دێ هێنە بەغدا؟ بۆ كوردا چ ڤێ هەیە؟ ئەرێ بێدەنگییا كوردا ژڤێ ڕەوشێ چییە؟ ئاشكرا دبێژن بچیكترین گهۆرین دێ مەزنترین دەستكەڤت بیت بۆ بەعسییا. ئەرێ بەعسییا وەك (تالینان) دگەل ئەمریكا ڕێككەڤتییە؟ ئەرێ یا ژ بەعسیا نەدیرە ل بەری هەر ئینقلابەكێ هندەك ڕێككەڤتنێن نهێنی دكەت. وەك 1967 دگەل پارتی و مالباتا (الحكیم) كومەكا سۆزدابوو. پاشی هەشت هزار بارزانی و 80 كەس ژ حەكیمی سێدارەدان ؟!! چ گهۆرینە دێ چێبیت؟ چوونا شاندا سەربازییا عیراقێ دگەل پێشمەرگەی. چ بەرهەڤی هاتییە كرن. ڕۆلێ وان چییە؟ لەزا ئەمریكا ل ئێگرتنا پێشمەرگەی بۆ چییە؟ ب ڕاستی ژی وەك دیار دیمەنەكێ دی دێ ل سەر كاڤلا ڤی وەلاتێ دبێژنێ عیراقی ڕووددەت و دلخوازییێن عیراقی ژی ل كوردستانێ دێ تووشی (صدمێ) بن ئەگەر ئەوا دهێتە گۆتن ڕاست بیت. ئەرێ هەرێم و دەستكەڤتێن كوردا دێ چ بن؟ دەستور دێ مینیت یا دێ هەلاویسن بۆ دەمەكێ دی. ڕاستی تشتێ جهێ باورەیێ نینە نوكە ب تنێ گۆتنن بەلێ پشتراستم ئەڤ گۆتن نە ڤالانە بەلێ گەلەك نهێنی و ب مەترسینە. لەورا چ تشتەك ژێ دیارنەبوویە ب تنێ هندەك وێنەیێن سەربازانن و هندەك پێزانینێن سەیر…
