<h3 style="text-align: justify;"><span style="font-size: 18pt;">رێڤه‌به‌رێ بازرگانییا ده‌خلۆدانى ل پارێزگه‌ها دهۆكێ ئاشكراكر، سوبه‌هى دێ ده‌ست ب به‌لاڤكرنا 13 ملیار دینارێن جۆتیارێن پارێزگه‌ها دهۆكێ هێته‌كرن.</span></h3> <h3 style="text-align: justify;"><span style="font-size: 18pt;">نازم محه‌مه‌د رێڤه‌به‌رێ بازرگانییا ده‌خلۆدانى ل پارێزگه‌ها دهۆكێ بۆ ئاژانسا خانى دیاركر، سوبه‌هى ل هه‌ر سێ سایلۆیێن فه‌یدییێ، شێخان و زاخۆ دێ ده‌ست ب به‌لاڤكرنا پاره‌یێ گه‌نمێ جۆتیاران هێته‌كرن، وان دووهى 13 ملیار دینار ل سه‌ر بانكێن سایلۆیان به‌لاڤكرن، كو سایلۆلا فه‌یدییێ چار ملیار و 610 ملیۆن دینارن، شیخان چار ملیار و 801 ملیۆن دینارن و زاخۆ ژى سێ ملیار و 580 ملیۆن دینارن، سه‌رجه‌مێ گشتییێ وان دبیته 13 ملیار دینار.</span></h3> <h3 style="text-align: justify;"><span style="font-size: 18pt;">هه‌روه‌سا گوت: 125 هزار ته‌نێن گه‌نمى ل پارێزگه‌ها دهۆكێ هاتینه وه‌رگرتن، بهایێ وان دبیته 102 ملیار دینار، هه‌تا نوكه 38 ملیار دینار ب سه‌ر جۆتیاراندا هاتینه به‌لاڤكرن، 64 ملیار دینارێن دى ماینه و هه‌رده‌مێ ژ به‌غدا گه‌هشتن، دێ ده‌ست ب به‌لاڤكرنا وان هێته‌كرن.</span></h3>
