وەزارەتا چاندنێ و ژێدەرێن ئاڤێ یا حکومەتا هەرێما کوردستانێ د رۆهنکرنەکێدا دوپاتکریە، دگەل وەزارەتا ژێدەرێن ئاڤێ یا عیراقێ چ جۆرە ناکوکی لسەر ستراتیژیا بڕێڤەبرنا ئاڤێ نینن.
رۆژا دووشەمبی 28 تەباخا 2023، وەزارەتا چاندنێ و ژێدەرێن ئاڤێ یا حکومەتا هەرێما کوردستانێ ڕاگەهاندیە، ب مەرەما بەردەوامیدان ب پەیوەندییان ڕۆژا ئێکشەمبی 27 ئەڤێ هەیڤێ کۆمبوونا تایبەت دناڤبەرا لژنا تایبەتمەند یا وەزارەتا چاندنێ و ژێدەرێن ئاڤێ و یا حکومەتا هەرێمێ و وەزارەتا ژێدەرێن ئاڤێ یا عیراقێ هەبوو، ب مەرەما بۆ گۆتوبێژکرنا چاوانیا بڕێڤەبرنا دۆسیەیا ئاڤێ.
د ڕۆهنکرنا وەزارەتێدا هاتیە، “لبن ڕۆناهییا ئەوێ تێگەهشتن و هەماهەنگیا دناڤبەرا هەردوو لایان دا هەیی، چ جۆرە ناکوکیەک لسەر ستراتیژیا بڕێڤەبرنا ئاڤێ نینە و ئەو بابەتێن کو ل سۆشیال میدیایێ بەلاڤبووین چ بنەمایەکێ دروست بۆ نینە.”
