وه‌زاره‌تا دارایی د رۆنكرنه‌كێ دا ئاماژه ب وێ یه‌كێ دكه‌ت كو چه‌ند ده‌زگه‌هێن راگه‌هاندنێ ژ زارێ وه‌زاره‌تا دارایی و ئابوورییا هه‌رێمێ ئاماژه ب وێ یه‌كێ كرینه كو وه‌زاره‌تا داراییا ئیراقێ پێشنیازا هنارتنا 598 ملیار دیناران وه‌كو قه‌ر بۆ مووچێ فه‌رمانبه‌رێن هه‌رێمێ كریه، به‌لێ حكومه‌تا هه‌رێمێ ره‌تكریه وی پاره‌ی وه‌ربگریت.
بۆ رایا گشتی و هه‌موو راگه‌هاندنان رۆن دكه‌ین كو:
-
چ داخویانیێن ب ڤی ره‌نگی ل سه‌ر زارێ وه‌زاره‌تا دارایی نه‌هاتینه دان و ئه‌م ژێ به‌رپرس نینن چونكه سه‌ر زارێ مه و ل په‌یجێ وه‌زاره‌تێ به‌لاڤ نه‌بوویه.
-
ئه‌م ل هه‌بوونا پێشنیازه‌كا ب ڤی ره‌نگی نه‌هاتینه ئاگاداركرن هه‌تا بهێته ره‌تكرن.
-
مه هه‌می برگێن یاسایا بودجه‌یێ ئیراقێ بجهـ ئیناینه و هیڤیدارین حكومه‌تا ئیراقێ یاسایێ وه‌كو خوه بجهـ بینیت.
-
چ پارێ ل ئیراقێ بۆ هه‌رێمێ بهێته هنارتن و بكه‌ڤیته سه‌ر هژمارا بانكی یا وه‌زاره‌تا مه دێ ب شێوه‌یه‌كێ فه‌رمی راگه‌هینین.
