په‌رله‌مانتاره‌ك: عێراقێ نه‌ڤێت ئاریشه‌ بهێنه‌ چاره‌سه‌ر كرن

ئاژانسا خانی:

ئەندامه‌كێ په‌ر‌له‌مانێ عێراقێ ژ فراکسیۆنا پارتی دیموكراتی كوردستان” دیار كر: هه‌تا نوكه‌ چ خالێن وێ رێککەفتنا دناڤبه‌را هەولێر و بەغدا دا هاتییه‌ كرن” نه‌هاتینه‌ بجهئینان و بەغدا نه‌ڤێت ئه‌و ئاریشه‌ بهێنه‌ چارەسەر کرن.

شێروان دوبەردانی” زێده‌تر گۆت: ئەو کەسێن ل کەرکوکێ ل دژی رادەستکرنا بارەگایێن پارتی هاتینە سەر جادان، ئەندامێن هنده‌ك لایەنێن سیاسی و هێزێن ئەمنی بووینه‌ و جلكێن مەدەنی كربوونه‌ به‌رخۆ، ئه‌ڤ هه‌لویستێ وان وێ چه‌ندێ دیار دكه‌ت” كو هنده‌ك لایه‌نێن سیاسی ل دژی ڤه‌گەریانا پارتینه‌ بۆ باژێرێ کەرکووكێ” هه‌ر چه‌نده‌ پارتی دیموکراتی کوردستان ب ره‌نگه‌كێ بەردەوام ل گەل خەلكێ کەرکووکێ بوویە، مه‌ هیڤی هه‌یه‌ د ده‌مه‌كێ نێزیك دا ڤه‌گه‌رینه‌ڤه‌ کەرکووکێ بۆ هندێ پتر خزمەتا خه‌لكێ وی باژێری بکەین”.

وی ئه‌ندامێ په‌رله‌مانێ عیراقێ گۆت ژی: د ڤی ده‌مێ بوری دا چەند کۆمبوون ژ لایێ لژنا بجهئینانا مادێ 140 ێ هاتییه‌ کرن و چەند بڕیار ژی هاتینه‌ دان، بریارا ژ هه‌موویا گرنگتر ئه‌وه‌ كو خه‌لكێ وی باژێری بهێنه‌ قه‌ره‌بۆكرن، ل گه‌ل هندێ ژی دڤێت لایه‌نێن سیاسی یێن کوردستانێ پتر دووڤچوون و چاڤدێرییا ڤی بابه‌تی بکەن” ژ پێخه‌مه‌ت ئه‌و بابه‌ته‌ ب ره‌نگه‌گێ باش بهێته‌ بجهئینان.