دێ بۆ هەوە وی تشتی بێژم یێ من ل بەغدا دیتی

د. خەلیل غازی – ئەندامێ پەرلەمانێ عیراقێ

بۆ ميژوویێ دێ بو وە وی تشتی بێژم یێ من لبەغدا دیتی:
ئیراق دەولەتەکە ب ناڤ خودانێن دەستهەلاتێ چەندین گروپێن چەکدارن، هەر هندەک ئەجێندایا دەولەتەکێ برێڤە دبەن، لێ هەرهەمیان سیاسەتەکا ئاشکرا یا هەیڤ دژی کوردا، ب تایبەت زوربەیا لایەنێن شیعینە ب ئیرادەیا ئیرانێ، ستراتیجیا وان یا سەرەکی ژناڤبرنا قەوارێ دستوری یێ هەرێما کوردستانێ و هندەک ژ وان وەک عەسائیبا دوژمناتیا خو یا ئاشکرا رادگەهینن. لایەنێن سوننی پتریا وان دگەندەلیێ را یێن خەندقین رولەکێ ئینتیهازی دبینن. لایەنێن کوردستانی ژبلی پارتی هەمی تەسلیمی ئیرادەیا شیعا بووینە، هەر لایەنەک ب قەبارەکێ جودا و کەسایەتییا خو ژدەدست دایە. ستراتیجیا هەمیا پارتی ئارمانجا وان یا سەرەکی یە.

زوربەی ئاخفتنێن لسەر میدیایێ دهێنە گۆتن ژلایێ وان ڤە پروپاگندەیە و چ جارا من باوەر نەدکر درەو لڤی ئاستی بن . من بچاڤێن خو دیتیە و بگوهێن خو گوهلێ بوویە درەوێن ئاشکرا و بێ بنەما وەک بەحس کرنا دەست کەفتەکی بۆ خو بێی وان پەیوەندی پێڤە هەبیت. نوکە یاوان دڤیا و هندە سالە داخاز دکر چێبوو، حکومەتا هەرێمێ هەمی داهات تەسلیمی بەغدا کر، بەلێ بەغدا هەر رۆژ هەجەتەکێ دئینیت دا شایستەیێن دارایی یێن وەلاتیێن هەرێمێ رەوانە نەکەت. نوکە کا زمانێن درێژ یێن دگوتن حکومەتا هەرێمێ رێگرە. نوکە بۆ داکوکيێ ل مافێن هەرێمێ ناکەن و دبێ دەنگن؟ ئەز شاهدی درەوێن وان هەمیامە بێی فەرق و جوداهی.

بەری بچمە بەغدا من هندەک جاران هزر دکر بەلکی ل هندەک بوارا دهەق بن، لێ ئەو دوژمنکاریا وەلاتی بڤی قەبارەی من باوەر نەدکر. مەبدەئێ وان. ئەوە بەس پارتی زەرەر مەندبیت بلا کوردستان هەر نەمینیت. مخابن بەرژەوندیێن حزبی بەری یێن نەتەوی بن، گەلی هەڤالان نابیت مللەتی ب گەندەلەکی قیاس کەی، مروڤ باش و خراب دێ چن و هێن لێ وەلات هەر ئەوە. ئەز لڤێرە نابێژم نە کێماسی نینن لێ ئەڤە نابیتە هەجەت وەلاتێ خو رادەستی دوژمنا بکەی، ب تایبەت ئەگەر حوکمرانیا وان هزار جار یامە ژ یا وان باشتر بیت.چ دبێژیە گەندەلییێ، بێژە، لێ حەز ژ وەلاتێ خوە بکە. و باش بزانە هەیبەتا کوردان ل بەغدا و دەڤەرێ بەس پارتییە.