د. ئەشواق جاف: به‌غدا بزاڤان دكه‌ت قه‌وارێ هه‌رێما كوردستانێ لاواز بكه‌ت

ئاژانسا خانی:

ئەندامه‌كا کۆمیتا ناڤه‌ندی یا پارتی دیموکراتی کوردستان دیار كر، ئەوا نوكه‌ ل بەغدا بەرامبەر هەرێما کوردستانێ دهێته‌ كرن، پرۆسا ئەنفالایە ب ره‌نگه‌كێ دیتر و ئه‌م ڤێ چه‌ندێ قه‌بوول ناكه‌ین.

د. ئەشواق جاف، زێده‌تر  ئاژانسا خانی گۆت: ئه‌وا نوكه ل به‌غدا‌ بەرامبەر هەرێما کوردستانێ دهێته‌ كرن تەمامکەرا پیلانێن سالا 2014 ێ یه‌” ده‌مێ قویتێ خه‌لكێ هەرێما کوردستانێ هاتییه‌ برین، بێی كو چ مادەكێ دەستووری و یاسایی هەبیت، بەلێ نه‌شییان قەوارێ هەرێما کوردستانێ ژناڤ ببه‌ن، ئه‌وا نوكه‌ ژی بەرامبەری هەرێما کوردستانێ دهێته‌ كرن ب شرۆڤە و لێکدانڤه‌ میزاجییە بۆ یاسایێ بودجەیی، ئه‌و كارێ به‌غدا نوكه‌ دكه‌ت بۆ ژناڤبرنا قەوارەیێ هەرێما کوردستانییە، هه‌ر چه‌نده‌ بەغدا هند یا ب هێز نینە، بەلێ نەبوونا ئێک دەنگی و ئێکریزییا کوردان بۆ بەرگریکرنێ ژ قەوارەیێ هەرێما کوردستانێ وه‌کرییە، کو ئەو بزاڤان دكه‌ن ئه‌وا مه‌ ب خوینا شەهیدان ب دەستڤه‌ ئینایی ژ مه‌ وه‌ربگرن و به‌غدا هه‌موو بزاڤان دكه‌ت قه‌وارێ هه‌رێما كوردستانێ لاواز بكه‌ت.

ئه‌و ژی گۆت” هەرێما کوردستانێ هەموو پابەندی یێن دەستووری و یاسایی بجهئیناینە، له‌وما ئه‌وا نوكه‌ دهێته‌ كرن بۆ نه‌هێلانا ده‌ستهه‌لاتا هەرێما کوردستانێیە، چونكی چ کێشێن هونەری دناڤبه‌را هەرێما کوردستانێ و عیراقێ دا نەماینە، ئەوا هه‌یی کێشا سیاسییە و ئه‌وا نوكه‌ بەرامبەر هەرێما کوردستانێ دهێته‌ كرن، هەمان پرۆسا ئەنفالایە ب ره‌نگه‌كێ دیتر، ب  رێیا برسیکرنا خەلكێ کوردستانێ و نه‌دانا مافێن خەلكێ کوردستانێ، ئه‌ڤه‌ ب چ ره‌نگان ناهێته‌ قه‌بوول کرن.