مه‌سرور بارزانی,، سەرۆکێ حکومەتا هەرێما کوردستانێ دەربارەی ڕەوشا باژێرێ کەرکووکێ پەیامەک بەلاڤکر و تێدا هاتیە:” ب توندی ئیدانەیا تێکدانا ل دژی دیموکراسی و پێکڤە ژیانا ئاشتیانە ل کەرکووکێ دکەین، ئیدانەیا شەهیدکرن و بریندارکرنا هەڤنیشتینمانییێن کورد دکەین، کو ژ لایێ شوڤینیان هێرش کریە سەر.”
هه‌روه‌سا د پەیاما سەرۆکوەزیرێن هەرێما کوردستانێ دا هاتیە:” داخواز ژ بەرێز سەرۆکوەزیرێن فیدڕال دکەم بلەز کونترۆلا ئەڤێ ڕەوشا نە خواستی بکەت و سەرومالێ هەڤنیشتیمانیان و خۆپیشاندەران بپارێزن و ژ ئەڤرۆ پێڤە ڕێکێ ب کەسێن نە بەرپرس نەدەن ڕەوشێ ئالۆزتر بکەن.”
ده‌قێ په‌یاما سه‌رۆكوه‌زیران مه‌سرور بارزانی:
ب توندی ئیدانەیا تێکدانا ل دژی دیموکراسی و پێکڤە ژیانا ئاشتیانە ل کەرکووکێ دکەین، ئیدانەیا شەهیدکرن و بریندارکرنا وەلاتییێن کورد دکەین کو ژ لایێ شوڤینیان ڤە هێرش لسەر هاتیە کرن.
داخواز ژ بەڕێز سەرۆکوەزیرێن فیدراڵ دکەم بلەز کونترۆلا ئەڤێ ڕەوشا نەخواستی بکەت و سەرو مالێ هەڤنیشتیمانیان و خۆ پێشاندەران بپارێزن و ژ ئەڤرۆ پێڤە ڕێکێ ب کەسێن نە بەرپرس نەدەن ڕەوشێ ئالۆزتر بکەن.
د هەمان دەمدا داخواز ژ وەلاتییێن کورد یێن ستەم لێکری یێن مە ل کەرکووکێ دکەم، د ئارامبن و خۆ ژ کارڤەدانێن توند دوور بێخن، داخواز ژ هەڤنیشتیمانییێن عەرەبێن ڕەسەن و تورکومانێن خەلکێ کەرکووکێ ژی دکەم، ڕێکێ ب خەلکەکێ بیانی یێ باژێری نەدەن ئاشتی و پێکڤە ژیانا دناڤبەرا پێکهاتەیان دا تێکبدەن.
مەسرور بارزانی
سەرۆکێ حکومەتا هەرێما کوردستانێ
2023/9/2
