مفا و زیانێن هولیوود سمایل بزانە

هولیوود سمایل، دانانا تیڤلەكێ تەنكە ب ناڤێ (Veneers) ل سەر ڕوویێ پێشییێ یێ ددانی. ئەڤ تیڤلە ڕەنگ و شێوە و قەبارە و درێژاهییا ددانی د گوهوڕیت و ئارمانج ژێ جوانكارییا ددانایە و چارەسەركرنا هندەك ئاریشێن ددانان یێن ئاسان. ژوان:

– ددانێن ڕەنگێ وان هاتییە گوهوڕین.
– ئەو ددانێن هاتینە پڕكرن و ڕەنگێ وان جیاواز دگەل ڕەنگێ ددانێن سرۆشتی دیاردكەت.
– ددانێن شكەستی.
– ددانێن قەبارە و شێوێ وان نە هندی ئێك.
– ددانێن بوشای دناڤبەرا وان دا هەی.
جهێ ئاماژێ یە ئەو تیڤلە ل سەر هەموو ددانان ناهێتە دانان، بتنێ ل سەر ددانێن پێشییێ یان ئاریشە تێدا هەین دهێتە دانان و بۆ دەمێ 5 هەتا 10 سالان دمینتە ل سەر ددانی. بۆ پاراستنێ ژی بتنێ پاقژكرن و شوشتنا وان و بكارئینانا دەزیێ ددانان دگرنگن.
مفایێن هولیوود سمایل:

1- شێوەیەكێ جوان ددەتە ددانان.
2- پاراستنا ددانان ژ پنیێن خوارن و ڤەخوارنێ بۆ دەمەكێ درێژ.
3- چارەسەركرنا هندەك ئاریشێن ددانان ب ڕێیەكا ئاسان و دویر ژ ئێشانێ.

زیانێن هولیوود سمایل:
1- ددان وەكی دەستپێكێ نازڤڕیتە ڤە بێی دانانا تیڤلی ل سەر، ژبەر ڕاكرنا مینایا ددانی.
2- خەرجكرنا پارەكێ زور.
3- ئەو تیڤلێ ل سەر ددانان ناهێتە چارەسەركرن ئەگەر شەق شەقبوون ل سەر دروستبوو.
4- دروستبوونا هەستیارییا ددانان بەرامبەر هندەك خوارن و ڤەخوارنێن گەرم و ساڕ ژبەر ڕاكرنا مینایا ددانی.
5- ڕەنگێ وی تیڤلێ هاتییە دانان ناهێتە گوهوڕین، لەوما پێدڤییە ڕەنگەكێ گونجای بهێتە دەستنیشانكرن ژلایێ وی كەسێ حەزا دروستكرنا هولیوود سمایل هەبیت.
6- دبیت تیڤل بهێتە شكەستن، لەوما پێدڤییە كەسێ هولیوود سمایل دانابیت خۆ دویربكەت ژ لەقدانا نینوكان، شكاندنا بەفرێ و تشتێن ڕەق ب ددانی.

ژێدەر: ويب طب