بەشار مشیر، خودانێ کۆمپانییا K.H.یا تایبەت ب وەبەرهێنان و هنارتنا پتاتا ئه‌ڤرۆ ڕاگه‌هاند، ل دەستپێكا هەیڤا بووری هەتا نوكە نێزیكی هزار تەنێن پتاتا بۆ وەلاتێ ئیماراتێ هاتینە هنارتن.
هەروەسا دا دیاركرن، پڕۆسا هنارتنا پتاتێن کوردستانێ بۆ وەلاتێ ئیماراتێ بەردەوامە و حەفتییانە نێزیكی 300 بۆ 400 تەنێن پتاتا دهێنە هنارتن.
لدووڤ ئامارێن وەزارەتا چاندن و ژێدەرێن ئاڤێ یا حكومەتا هەرێما كوردستانێ، بەرهەمێ پتاتێن ئەڤسالە یا جووتیارێن هەرێما كوردستانێ نێزیكی 700 هزار تەنان بوون، ژ ئەوێ هژمارێ نێزیكی 500 هزار تەنان بەرهەمێ قەزا بەردەرەش، پارێزگەها دهۆکێ بوون.
