فراكسیۆنێن كوردستانى : ئه‌گه‌ر رێگرى ل پارێزگه‌هبوونا هه‌له‌بجه‌ بهێته‌كرن دێ مه‌ هه‌لویست هه‌بیت

فراكسیۆنێن كوردستانى ل جڤاتا نوونه‌رێن عیراقێ راگه‌هاند، ئه‌گه‌ر رێگرى ل پارێزگه‌هبوونا هه‌له‌بجه‌ بهێته‌كرن دێ مه‌ هه‌لویست هه‌بیت، په‌رله‌مانتاره‌ك ژى دبێژیت: ئه‌گه‌ر رێگرى بهێته‌كرن، ئه‌و پشكدارى ڕوونشتنێن په‌رله‌مانى نابن.

بریاربوو دڕوونشتنا ئه‌ڤرۆ یا جڤاتا نوونه‌رێن عیراقێدا ده‌نگ ل سه‌ر پرۆژه‌قانوونا پارێزگه‌هبوونا هه‌له‌بجه‌ هاتبا دان، لێ بۆ سوبه‌هى رۆژا سێشه‌مبى هاته‌ پاشخستن.

چیایى ته‌یمور ئه‌ندامێ جڤاتا نوونه‌رێن عیراقێ ل سه‌ر فراكسیۆنا پارتى بۆ ئاژانسا خانى دیاركر، هنده‌ك لایه‌نێن سنى و شیعى دگه‌ل هندێ نینن هه‌له‌بجه‌ ببیته‌ پارێزگه‌هـ، كو ب دیتنا وان ئه‌ڤه‌ چه‌نده‌ دێ ده‌رگه‌هى ل به‌ر گه‌له‌ك ده‌ڤه‌رێن دى ڤه‌كه‌ت ڤێ جۆره‌ داخوازێ بكه‌ن.

دیار ژى كر، ئه‌گه‌ر پرۆژه‌قانوونا پارێزگه‌هبوونا هه‌له‌بجه‌ ژ كارنامه‌یا رڕوونشتنێن په‌رله‌مانى هاته‌ لادان، ئه‌وان وه‌كو فراكسیۆنێن كوردى دێ هه‌لویست هه‌بن، پشكدارى ڕوونشتنێن په‌رله‌مانى نابن.

ئاماژه‌ ب هندێ دا، د روونشتنا ئه‌ڤرۆدا چ پرۆژه‌ نه‌كه‌ڤتنه‌ به‌ر ده‌نگدانێ و دانوستاندن ل سه‌ر نه‌هاتنه‌ كرن، ب تنێ خواندنا ئێكێ بۆ چه‌ند پرۆژه‌یان هاته‌ كرن.