سێرگی لاڤرۆڤ: پێشوازیێ ل گۆتوبێژێن هەولێر و بەغدا ژ بۆ چارەسەریا ئاریشەیان دکەین

سێرگی لاڤرۆڤ، وه‌زیرێ دەرڤە یێ رووسیا د چوارچووڤێ کۆنفرانسەکێ ڕۆژنامەڤانیدا ل نیویۆرک ڕاگەهاند، پێشوازییێ ل گۆتوبێژێن هەولێر و بەغدا بۆ چارەسەریا ئاریشەیان دکەین.

وەزیرێ دەرڤە یێ رووسیا زێدەتر گۆت: “كۆمپانییێن رووسی دێ لسەر‌ كاركرنێ ل‌ عیراقێ د به‌رده‌وامبن”.

لاڤرۆڤی گۆتژی: “کۆمپانییێن رووسی ل عیراقێ کاردکەن و دێ لسەر کارکرنێ ژی د بەردەوامبن، پرۆسەیا ڤەدیتنا چارەسەریەکێ بۆ سەربەخۆبوونا پەیوەندییێن رووسیا و عیراقێ ل واشنتن و هەر پایتەختەکێ دی بەردەوامە”.

هەروەسا ئاماژە کر،”پێشوازیێ ل گۆتوبێژێن دناڤبەرا حکومەتا عیراق و حکومەتا هەرێما کوردستانێ دا دکەین، دەمێ کو ئەز ل عیراقێ بووم من سەرەدانا هەولێرێ کر،  یا دیاربوو مەرەما سەرەکی یا هەردوو لایان چارەسەکرنا ئاریشەیانە بۆ هویرکاتییێن ڕێککەفتنێ، پێدڤیە نوونەرێن هەردوو حکومەتان پێکهاتنێ بکەن.”