<h3 style="text-align: justify;"><span style="font-size: 18pt;">بهرپرسێ گشتییێ پاراستنا ئالایێ كوردستانێ راگههاند، ئهڤرۆ مهزنترین ئالایێ كوردستانێ ب ههلكهڤتنا سالیادا ریفراندۆما ههرێما كوردستانێ وهكو دیارى پێشكێشى سهرۆك بارزانى هاته كرن.</span></h3> <h3 style="text-align: justify;"><span style="font-size: 18pt;">پهلهوان شیخ مهمى بهرپرسێ گشتییێ پاراستنا ئالایێ كوردستانێ بۆ ئاژانسا خانى دیاركر، مهزنترین ئالایێ كوردستانێ ل ههرێما كوردستانی كو درێژاهییا وێ نێزیكى شهش هزار میترانه، ل ناڤا بارهگایێ راگههاندنا پارتى دیموكراتى كوردستان پێشكێشى سهرۆك بارزانى هاته كرن، وهكو پشتهڤانییهك بۆ پهیڤا وى ( بهلێ بۆ ریفراندۆمێ ).</span></h3> <h3 style="text-align: justify;"><span style="font-size: 18pt;">گوت ژى : پتر ژ 350 پێشمهرگهیێن زێرهڤانى ئهڤ ئالایه ههلگرت و ل بهر دهرێ مالا سهرۆك بارزانى نمایشكر، پاشان وهكو رێزگرتن بۆ جهنابێ وى ب پێیان ب رێڤهچوون ههتا گههشتنه گۆرهپانهكا ل بهردهرێ بارهگایێ راگههاندنا پارتى هاته ڤهكرن دیار ژى كر، ئهڤ ئالایه ژلایێ گهنجێ رۆژئاڤایێ كوردستانێڤه هاتییه دروستكرن و دبیته مهزنترین ئالا ل سهر ئاستێ ههموو كوردستانێ و ل رۆژهكا پیرۆز هاته نیشاندان، دهزگههێ گشتییێ پاراستنا ئالایێ كوردستانێ دگهل نڤێسینگهها ههولێرێ و پێشمهرگهیێن زێرهڤانى ئهڤ دیاره پێشكێشى سهرۆك بارزانى كر، كو خهلك ههموو پشتهڤانن و ههوا سهرۆك بارزانى گوتى ( بهلێ بۆ ریفراندۆمێ ) خهلك ههموو دگهلدایه.</span></h3> <h3 style="text-align: justify;"><span style="font-size: 18pt;">ئاماژه ب هندێ دا، ئهڤ ئالایه ماوێ نێزیكى ههیڤهكێدا هاته دروستكرن و دێ ل دهۆكێ هێته ههلگرتن و ل ههر ههلكهڤتهكا نیشتیمانى دێ هێته نیشاندان.</span></h3>
