ئیسماعیل مستەفا، بەرپرسێ ڕاگەهاندنا سەرۆكایەتییا باژێرڤانییا دهۆكێ بۆ ئاژانسا خانی ڕاگەهاند، كار د قوناغا ئێكێ یا پڕۆژەیێ ئەندەرپاس و ئۆڤەرپاسا بناڤی ئێك دا یێ بەردەوامە و نوكە كار د قوناغا دانانا دیوارێن ڕەخێن یوتێرنێ و تێكەلەكرنا هندەك جهان و دانانا كێربستونی و كارێن كونكریتكرن و چێكرنا ئاڤرێژان ل هندەك جهێن دی هەروەسا كارێ قێركرنێ دهێتە كرن و ڕێژا ئەنجامدانا كاری ب گشتی 36% یە.
ئیسماعیل مستەفا دیاركر، پڕۆژە ژ بودجەیا حكومەتا هەرێما كوردستانێ یە ب كۆژمێ 13 ملیار 145 ملیۆن و 456 هزار دینارایە و دەمێ بۆ تەمامكرنا پڕۆژەی هاتییە دەستنیشانكرن 450 ڕۆژن.
هەروەسا دیاركر، پڕۆژەیێ ئەندەرپاس و ئۆڤەرپاسا بناڤی ل ژێر سەرپەرشتییا ئەندازیارێن سەرۆكاتییا باژێرڤانییا دهۆكێ و ژ لایێ كۆمپانیا كاڤین گرۆپ و داڤەرست دهێتە ئەنجامدان و ب ئەنجامدانا ئەڤی پڕۆژەی چ ترافیك لسەر جاددا بارزان نامینن.