ل دووڤ راگههاندنهكا حكومهتا ههرێما كوردستانێ، دكۆمبوونێدا مهسرور بارزانى ئاماژه ب هندێ دا، كابینهیا نههێ یا حكومهتا ههرێما كوردستانێ ههر ژ دهستپێكا دهستبكاربوونێ گرنگییهكا مهزن ب پێشڤهبرنا پرۆسهیا وهبهرهێنانێ دایه و كار بۆ پێشكێشكرنا ههموو ئاسانكارییێن پێدڤى بۆ وهبهرهێنهرێن ناڤخۆ و بیانى و نههێلانا ئاریشه و ئاستهنگێن ل بهردهم وهبهرهێنانێ كرییه.
دووپاتى ل هندێ ژى كر، نوكه پێنگاڤێن باش بۆ پێشڤهبرنا وهبهرهێنانێ هاتینه هاڤێتن، لێ ئارمانجا وان ئهوه پێنگاڤێن زێدهتر دڤى بیاڤیدا پاڤێژن.
سهرۆكێ حكومهتێ تیشك خسته سهر چاكسازییێن حكومهتا ههرێما كوردستانێ دبیاڤێ كاراكرنا سیستهمێ بانكى و دیجیتالكرنا خزمهتگوزارییێن گشتى و ب تایبهتى خزمهتگوزارییێن داراییدا.
سهرۆك مهسرور بارزانى سوپاسییا وهبهرهێنهران و كهرتێ تایبهتێ ههرێما كوردستانێ كر، كو بۆ بجهئینانا پرۆژهیێن ههڤپشك ب ئاراستهیێ گهشهپێدانا ئابوورى و بنیات دانانا ژێرخانهیهكا ب هێز و رهخساندنا زێدهتر یا دهرفهتێن كارى دگهل حكومهتا ههرێما كوردستانێ د هاریكار و ههماههنگكاربوون.
ل دووماهییا كۆمبوونی، سهرۆكێ حكومهتێ بهرسڤا پرسیار و تێبینی و پێشنیازێن ئامادهبوویان دا، كو ب ئارمانجا زێدهتر پێشڤهبرنا پرۆسهیان وهربهرهێنانێ ل ههرێما كوردستانێ هاتنه پێشكێشكرن.
