ئاژانسا خانی:
د. هه‌ڤال سه‌دیق ئیسماعیل” رێڤەبەرێ گشتییێ وەبەرهێنانێ ل پارێزگەها دهۆکێ دیار كر: پشتی پێكئینانا کابینا نەهێ یا حکومەتا هەرێما کوردستانێ دا ٦٥ مۆلەت بۆ پڕۆژێن وەبەرهێنانێ ل دهۆكێ هاتینە دان کو سەرمایێ وان پڕۆژان نێزیکی ٧٠٠ ملیون دۆلارانە و سێکتەرێ پیشەسازییێ ل رێزا دەستپێکی دهێت” پاشی چاندن، گەشتییاری، بازڕگانی ، فێرکرن و ساخلەمی ژی لدووڤ دا دهێن.
ناڤهاتی گۆت ژی” لدووڤ بڕیارا” مه‌سرور بارزانی سەرۆکێ حکومەتا هەرێما کوردستانێ” دڤێت ٧٥% ێ یا دەستێ کاری بۆ وه‌لاتییێن ناڤخۆ بیت، لەوما ژی کەرتێ وەبەرهێنانێ شییایە پتری ١٢٠ هزار دەلیڤێن کاری په‌یدا بكه‌ت کو ٢٠ هزار ژ وان دەلیڤان راستەوخۆ نە و ١٠٠هزارێن دیتر ژی نە راستەوخۆ هاتینە په‌یدا كرن.
