ئاژانسا خانی:
ئەندامەكێ پەڕلەمانێ عیراقێ ل سەر فڕاكسیۆنا پارتی دیمۆكراتی كوردستان بۆ ئاژانسا خانی گۆت: پێدڤییه ژ 25 هەتا 30 ڤێ هەیڤێ 700 ملیار دینارێن مووچەی دێ كەڤنە سەر هەژمارا وەزارەتا دارایی یا هەرێمێ.
مەحما خەلیل، ئەندامێ پەڕلەمانێ عیراقێ ل سەر فڕاكسیۆنا پارتی دیمۆكراتی كوردستان دیار ژی كر، پێدڤییە بەری دوماهییا ئه‌ڤێ هەیڤێ پارێ مووچەی بگەهیت و چ ئاریشە ل بەرامبەر هنارتنا پارەی نینن و ئەم چاڤەڕێینە د دەمێ خۆ دا بهێن.
جهێ گۆتنێ یە نه‌رمین مه‌عرووف، ئه‌نداما لیژنه‌یا دارایی ل جڤاتا وەزیرێن عیراقێ ب میدیایان ڕاگەهاند، ل گه‌ل دابه‌شكرنا مووچه‌یێ فه‌رمانبه‌رێن عیراقێ کو 18 بۆ 25 هەیڤێ دهێنە دابەشكرن، به‌غدا دێ 700 ملیار دیناران، ب هەمان ڕێکكارێن دوو هەیڤێن بووری بۆ هه‌رێما کوردستانێ هنێریت.
ل دویڤ زانیارییان، وەزارەتا دارایی یا عیراقێ داخواز ژ حكومەتا فیدڕال كریە، پشتی كو پارێ ئه‌ڤێ هەیڤێ حكومەتا عیراقێ 700 ملیار دینارێن مووچەیێ مووچەخۆرێن هەرێمێ دهنێریت، ڕێككەفتن بۆ سێ هەیڤێن دی بهێتەكرن، ژبەركو پشتی هنارتنا وان 700 ملیاران سێ مووچەیێن دی یێن مووچەخۆرێن هەرێمێ ل دەڤ حكومەتا عیراقێ ماینە و هێشتا نەهاتینە دابەشكرن.
