رێڤهبهرێ گشتییێ وەبەرهێنانێ ل پاریزگهها دهۆکێ دیار كر: د چارچۆڤێ كارێ وان یێ وهبهرهێنانێ و ئەو پڕۆژێن ل سنوورێ پارێزگهها دهۆکێ هاتنیه ئەنجامدن، 100 هزار دهلیڤێن كاری ب رهنگهكێ راستهوخۆ و نهراستهوخۆ بۆ خەلكێ پهیدا كرینه و نوكه ژی ب رهنگهكێ بهردهوام پرۆژێن وهبهرهێنانێ دهێنه ئهنجامدان و ئهڤ پرۆژه پتر دیلیڤێن كاری پهیدا دكهن.
د. هەڤال سهدیق، زێدهتر بۆ ئاژانسا خانی گۆت، ئەو پڕۆژێن ل سنوورێ پارێزگهها دهۆکێ دهێنه ئەنجامدان” گهلهك دهلیڤێن كاری بۆ خهلكێ پارێزگهها دهۆكێ پهیدا كرینه و ئهو دهلیڤێن كاری ژی ب رهنگهكێ ڕاستەوخۆ و نهڕاستەوخۆ بووینە، كو وان پرۆژێن وهبهرهێنانێ نێزیکی 100 هزار دهلیڤێن كاری بۆ خهلكێ پهیدا كرینه و ل ڤان رۆژان مه مولهت دایه چهندین پرۆژان و چهندین پرۆژێن دیتر ژی دێ هێنه چێكرن و ئهڤه دێ بیته ئهگهرێ هندێ پتر دهلیڤێن كاری بۆ خهلكێ مه پهیدا ببن.
ناڤهاتی گۆت ژی” ، ئەڤ ساله مه كۆمهكا مۆڵەتان داینه پڕۆژێن وەبەرهێنانێ و بڕیارە ل چەند رۆژێن بهێن دا کۆمهكا مۆڵەتێن دیتر بهێنه دان و چەند پڕۆژێن دیتر د بیاڤێ پیشەسازی و گەشتیاری و چاندنێ دا بهێنه بجهئینان، ههروهسا پێدانا مولهتی بۆ پرۆژێن پێدانی جۆدا یێن وهبهرهێنانێ بەردەوامی هەیە و ههروهسا هندی پڕۆژێن نوو بهێنه ئەنجامدان دێ دهلیڤێن كاری پتر بۆ خەلكێ پهیدا بن.
